味道樂居酒屋 (河內道) (Closed)

2019年1月9日。晴。尖沙咀。約咗朋友收工去尖沙咀食飯呢日就揀咗食日本料理餐廳喺正K11對面，超級易搵，又方便就腳係居酒屋形式，最啱傾偈雖然過咗聖誕，但聖誕限定食物都仲可以柯打～對於期間限定控來講，睇落特別吸引～正常餐牌亦大把選擇有刺身、壽司、串燒，應有盡有～餐廳用嘅餐具都好得意，碟係成套嘅雞泡魚花紋碟筷子座就係呢隻兔仔，可愛又實用～深海池魚王刺身（薄切），$148大部分刺身都可以揀薄切定厚切薄切件數多啲好似開心啲～池魚刺身配咗一個酸酸醬，唔係點醬油醬汁鹹酸，魚肉鮮甜，配搭起來開胃，唔會膩，唔錯～螢光迷你魷魚，$48睇餐牌見到個名咁得意，之前未食過螢光魷魚，專登叫嚟試下～魷魚用個鴨仔碟裝住，好可愛魷魚上面仲有啲金箔，造型可愛得來又幾豪華喎醬汁可能係用魷魚嘅內臟整成，所以帶腥味，但係個鹹香味勁正！非常適合重口味人士！黑松露和牛炒飯，$58$58一大碗炒飯，真係好抵食呀！食材有黑松露同和牛，調味自然唔需要咁濃～驚唔夠飽嘅話，呢個炒飯絶對係最佳之選～粉紅甜蝦海膽盛丼，$268聖誕限定嘅丼飯，用料非常澎湃甜蝦鋪滿飯面，完全見唔到虛位蝦上面仲有份量唔小嘅海膽隔籬又有三文魚籽，可以代替醬油調味大