微笑咖啡室

Open Now

Now Closed

遠遠見到村口有間裝修得幾精緻嘅cafe，老闆大熱天時都企喺門口向我哋招手，俾佢嘅親切吸引咗埋去。入到餐廳見到原來cafe已經坐滿咗9成，最後一張枱俾我哋坐埋。可能太受歡迎，入去有幾款菜式都已經賣晒，雖然係咁，淨底嘅其實都仲好多選擇，而且價錢都好 OK，午餐連湯同熱飲都係$6-80。而且估唔到午餐包嘅咖啡係即磨咖啡，仲拉埋花，唔打卡唔得。烤雞南瓜忌廉意粉非常ok, 南瓜本身比較清新，中和番忌廉汁嘅膩，另外嘅咖喱吉列蝦旋風蛋包飯都係高質嘅，蝦炸得啱啱好，係有聲嘅脆，而且份量好公道，係對女仔嚟講我覺得偏大份，而男仔起碼唔會投訴唔夠食嘅份量。