Yukkuri

Open Now

Now Closed

鋪頭的外面半截係賣精品既，有時會做小型的藝術展。有個打咭位超靚，好啱影長腿相。我一直以黎都唔明點解會係寸金尺土的環境下劃左一半出黎做賣貨鋪位，不過又可能因為有呢個空間，間鋪先會咁寧靜雅致，吸引到咁多人黎🍳食物質素：無敵。價錢正常再偏高少少，未到話好貴咁。老闆好勤食換菜單，所以我食幾次都食到唔同野甜品好出色。果張甜相係我果一年影過差唔多最滿意的甜品相。食物的味道完全配得上佢的外表。泡芙原來可以咁好食又好睇。我唔知佢呢個甜品仲有無做。佢地換甜品都好密，但係都會做好多試菜先會比客食。大可以放心試🍴推薦搭配：食是日餐單就好，Lunch多數都係有個set，之後選配菜。如果兩個人過黎食基本上就食哂當日提供配菜了。值得一提既係飲佢地的熱培茶飲料，加埋個瓷杯真係好靚。🪑環境座位：好寧靜又舒服。慢慢咁影左食物先。食哂野，等一陣，基本上其他人都開始走，再係間鋪的唔同位打下咭。