Boring?! (新都會廣場) (Moved) New Location

第一次食呢間野，見好多好評，又價錢平平地，諗住試一試！個餐湯普普通通，熱辣辣，味道尚可，無乜特別。然後叫左個手打牛肉漢堡配薯角，都好好味，牛肉超正，心諗無簡錯啦今次。跟住隔好耐先黎埋個芥末抹茶煙三文魚意大利飯，隔咁耐都諗緊係咪中伏…平時無人嗌，所以要整咁耐黎到就即刻試下啦！一試第一啖，已經講哂粗口，真係未試過咁難食既意大利飯一入口，啲抹茶搞到個飯好苦，但又完全試唔到芥末味喎。果兩塊煙三文魚應該係算好食了，成碟黎講….食呢碟野根本食唔哂，因為太難入口。成餐飯因為呢碟野搞到乜心情都無，真係無諗過可以叫一碟飯係難食到食唔落，浪費食物同錢不過除左呢樣，其他都味道ok,不過未至於好味，西餐黎講，性價比係高，希望快點剔除芥末抹茶意大利飯，唔想又有人中伏。