Video
Read full review
2017-02-15
2029 views
情人節緊係去打邊爐有著數，小D人又唔駛捱貴set。觀塘工作的朋友激推這間Hey打邊邊，地鐵行10mins就到，唔駛成日食apm咁悶。店舖好寬敞，sofa位背都幾高，卡位有極高私穩度。兩人揀左$128任飲任食set，包黃金雞美國肥牛和豚肉、牛舌，仲有其他set可以揀。重點推介木瓜椰子黃金雞湯底，首先食左隻雞和飲湯先，店員會幫你放雞入湯度，然後用流斗計時，沙流完後關火蓋一陣就可以食啦。黃金雞好新鮮又肥美，原來係來自老闆自己農場飼養的，連木瓜都係有機的，打邊爐都可以食得好健康。椰子水係印尼直送的，加埋雞肉的鮮味，真係好味道。黃金雞肉嫩滑無比，而清甜的木瓜椰子湯令到我飲唔停！刺身($39每位)都有，真是一間多元化的餐廳。有三文魚、泰色生蝦、日本鱿魚、甜蝦、立魚和八爪魚，食完可再追加。魷魚真係幾好食，都幾新鮮。肉食分開盤上，賣相好矜貴咁，而且切得好薄。牛舌值得推介，十分有嚼勁。蔬菜選擇包羅萬有，連秋葵都有，果然跟到個trend。椰子湯加蔬菜食，都食到啖啖清甜味，基本上不需要再醮醬汁食。麵的display都好有心思。有部雪糕/乳酪機俾你D.I.Y.，我試左乳酪，可以加不同的toppings，有棉花
店舖好寬敞，sofa位背都幾高，卡位有極高私穩度。
兩人揀左$128任飲任食set，包黃金雞美國肥牛和豚肉、牛舌，仲有其他set可以揀。
重點推介木瓜椰子黃金雞湯底，首先食左隻雞和飲湯先，店員會幫你放雞入湯度，然後用流斗計時，沙流完後關火蓋一陣就可以食啦。黃金雞好新鮮又肥美，原來係來自老闆自己農場飼養的，連木瓜都係有機的，打邊爐都可以食得好健康。
椰子水係印尼直送的，加埋雞肉的鮮味，真係好味道。黃金雞肉嫩滑無比，而清甜的木瓜椰子湯令到我飲唔停！
刺身($39每位)都有，真是一間多元化的餐廳。有三文魚、泰色生蝦、日本鱿魚、甜蝦、立魚和八爪魚，食完可再追加。魷魚真係幾好食，都幾新鮮。
肉食分開盤上，賣相好矜貴咁，而且切得好薄。牛舌值得推介，十分有嚼勁。
蔬菜選擇包羅萬有，連秋葵都有，果然跟到個trend。椰子湯加蔬菜食，都食到啖啖清甜味，基本上不需要再醮醬汁食。
麵的display都好有心思。
有部雪糕/乳酪機俾你D.I.Y.，我試左乳酪，可以加不同的toppings，有棉花糖、脆片、朱古力粒粒、椰果等，仲有威化筒cone揀，好專業咁有士多啤梨醬俾你加，非常有趣的甜品。
一般來說都唔太喜歡打邊爐，覺得好飽又成身打邊爐味，但係今次experience非常好，坐得舒服，食物有質素，價錢又抵到咁，服務都唔錯，會不斷補充大枱上的食物。如追加食品，都殷勤服務。
Post
