巧得鍋 (Closed)

依家間餐廳真係超級抵食，而且喺觀塘度，如果喺觀塘返工嘅人就一定要試吓✏️佢一個雞煲套餐先至168，包半隻雞，兩碗飯同，埋一碟菜，飲品方面都會有折扣，真係抵食過其他餐廳好多✏️個雞煲醬真係好香，好食嘅，而且雞亦都唔老，而兩碗飯亦都非常之大份，正常成本半隻雞已經飽飽地，再加埋兩碗飯就更加飽喇，所以建議大家小飯或者半飯。而多咗碟菜，就可以令到依一餐飯冇咁油膩，平衡一下。✏️飲品方面，我叫咗個西瓜汁，每杯加$15，依間餐廳仲有好多其他好得意嘅飲品，例如依家期間限定嘅青藤椒沙冰。鍾意試新嘢嘅人，一定唔可以錯過