LM Cafe (Closed)

今晚約埋個同事一齊食晚餐，同事帶左我來呢間冰室入到去我好鐘意的裝修，唔係成間茶餐廳Feel，好西式Cafe加上天花D特別吊燈，讓人慢慢食野，吹水的地方。個滷水雞丁飯餐，同同事兩個人Share，重有個滷汁另上，其實雞丁滷得好入味，唔點個汁都OK。另外同事加滷水汁撈飯，個汁其實幾好食！ 小吃叫左個黑松露薯條，配茄汁，薯味夠，新鮮熱辣辣炸起，夠粗大才好味。仲有叫左兩餐湯，菇湯其實菇味淡左D，叫OK啦，但係我試同事個粟米湯，好正，夠濃夠滑，有好多粟米。 仲有個流心奄列飯，好有蛋味，入面有D白汁和芝士味混著的汁，咬爆奄列會爆汁出來，好好食，好有層次，加埋D茄汁飯，愛到死了。