LA FAMILLE (Closed)

la famille嘅戚風蛋糕鬆軟又唔濟，無論係自私食、野餐、慶生（但唔記得訂蛋糕sks）等等場合都係佢出場嘅機會，萬用蛋糕佢當之無愧。三心兩意？買幾個細size嘅咪得囉，仲唔驚食唔曬。想影相？sure，款款都咁cute，做俾你。於是我一嘢買咗四個（貪心的小狗），一次過滿足四個願望。 ␥ petit chiffon cakes 𖦹 香濃開心果 $67 用上味道濃郁嘅伊朗開心果，外層係白朱古力開心果味脆皮，好似雪糕月餅個外皮嘅feel，不過我地覺得太甜xd。入面係開心果慕絲、開心果味戚風同埋夾心忌廉，開心食開心果。𖦹 大甲香芋黑糖麻薯 $62個人好鐘意中間煙韌嘅黑糖麻薯，有宜蘭奕順軒啲奶凍捲嘅味道，層次係四個蛋糕入面最豐富；可惜整體芋頭味欠奉，反而食到啲紫薯味（問曬號）。𖦹 日本柚子 $58  食落口有粒粒嘅柚子，非常清新。𖦹 日本白桃 $64 香甜嘅白桃同奶香味重嘅鮮忌廉很match，猶如春天（though已過）嘅味道。