Lagom Kaffe (Closed)

今日同朋友一齊去左觀塘嘅Lagom Kaffe食晚餐，由觀塘站或者巴士站行過去都好近，位置就腳。餐廳位於一樓，地方好大，仲有室外座比主人帶埋寵物一齊用餐。晚上有二，三人餐set dinner。我地今次就單點黎食，用QRcode落單。我地叫左台灣風味牛肉千層麵，法式紅酒牛面肉燉飯，飲品叫左一杯ice café latte, 一杯café Tonic.台灣風味牛肉千層麵，餐牌寫左固定辣度，但食落係好微好微嘅一點辣，就算完全唔食得辣我覺得都可以一試，食落好惹味，牛肉醬每層分佈平均，醬汁味道啱啱好。千層麵唔會硬或者韌，芝士量夠但唔會過多，每啖咬落都食到哂所有味道，好好食！而法式紅酒牛面肉燉飯，面頭加左d焗乾嘅藜麥，咬落卜卜脆。牛面肉有四件厚切，非常入味，咬落肉質軟嫰，好綿，仲好有肉汁。燉飯飯粒粒粒分味，配上香濃紅酒汁亦唔會太膩。飲品方面ice café latte幼滑香濃café Tonic飲落清新，好夠汽泡。無論多人，少人定有寵物，Lagom都係聚會嘅好地點！