Video
Read full review
2023-04-12
1529 views
餐廳：LeeLaksa地點：上環皇后大道中菜式：新加坡馬拉菜式餐牌：茶餐10選一，有多款飯粉麵，仲有多士同薄餅，配冷熱飲品8選一，另外仲有沙律同小食。另收加一。馬來炒貴刁 $78 另加一馬來炒貴刁係用鑊仔上，份量超多！貴刁主要係河粉，都撈左少少油麵，味道唔會太鹹，都唔會太油膩，濕潤度適中。連埋蔥條，洋蔥絲，同芽菜一齊炒，仲有花生碎比你撈埋加添口感。配料有去殼蝦3隻，唔少脆口八爪魚塊，同少見既蠟腸4片。伴有青瓜粒，洋葱絲同半粒車厘茄可解膩。辣椒放碟邊，都好辣架！新加坡喇沙 $62 另加一新加坡喇沙超大碗，係正常午餐分量。呢度原來係用白色麵，質感比較腍身同痴埋。個喇沙湯香滑，辣度剛好，梛汁又夠，好惹味。配料有去殼蝦兩隻開邊，炸魚蛋三粒，炸魚蛋絲幾條，吸汁豆卜4件，半隻糖心蛋，爽口芽菜同通菜，面頭灑上脆脆。雖然炸魚蛋細細粒，不過食落都唔差。糖心蛋個心好滑。另上青檸一粒同參峇醬比你自己調味。參峇醬燒豬頸肉 $65 另加一參峇醬燒豬頸肉一客10片左右，切割好有心思，燒得燶邊而肉質爽口兼嫩口，食落啖啖肉。伴有青瓜粒，洋葱絲同半粒車厘茄可解膩。另上參峇醬比你自己調味。個參峇醬少少辣，好惹味。大蝦青木
地點：上環皇后大道中
菜式：新加坡馬拉菜式
餐牌：茶餐10選一，有多款飯粉麵，仲有多士同薄餅，配冷熱飲品8選一，另外仲有沙律同小食。另收加一。
馬來炒貴刁 $78 另加一
馬來炒貴刁係用鑊仔上，份量超多！貴刁主要係河粉，都撈左少少油麵，味道唔會太鹹，都唔會太油膩，濕潤度適中。連埋蔥條，洋蔥絲，同芽菜一齊炒，仲有花生碎比你撈埋加添口感。配料有去殼蝦3隻，唔少脆口八爪魚塊，同少見既蠟腸4片。伴有青瓜粒，洋葱絲同半粒車厘茄可解膩。辣椒放碟邊，都好辣架！
新加坡喇沙 $62 另加一
新加坡喇沙超大碗，係正常午餐分量。呢度原來係用白色麵，質感比較腍身同痴埋。個喇沙湯香滑，辣度剛好，梛汁又夠，好惹味。配料有去殼蝦兩隻開邊，炸魚蛋三粒，炸魚蛋絲幾條，吸汁豆卜4件，半隻糖心蛋，爽口芽菜同通菜，面頭灑上脆脆。雖然炸魚蛋細細粒，不過食落都唔差。糖心蛋個心好滑。另上青檸一粒同參峇醬比你自己調味。
參峇醬燒豬頸肉 $65 另加一
參峇醬燒豬頸肉
$65
9 views
0 likes
0 comments
參峇醬燒豬頸肉一客10片左右，切割好有心思，燒得燶邊而肉質爽口兼嫩口，食落啖啖肉。伴有青瓜粒，洋葱絲同半粒車厘茄可解膩。另上參峇醬比你自己調味。個參峇醬少少辣，好惹味。
參峇醬燒豬頸肉
$65
23 views
0 likes
0 comments
大蝦青木瓜沙律有去殼蝦兩隻開邊，下底係青木瓜絲撈青瓜絲撈紅蘿蔔絲撈少量青豆角加紫梛菜絲，伴有兩粒車厘茄。面頭加上花生碎同脆脆。味道完全唔辣，都算清淡。
香茅青檸荔枝梳打（跟餐）跟餐飲品都有幾款揀。香茅青檸荔枝梳打真係有大大枝香茅，味道完全唔甜，似梳打水，解渴得黎又唔會太肥，荔枝味道主要係底部，建議搞起先飲。
桔仔話梅水（跟餐）
桔仔話梅水有大大粒青檸同話梅，仲有桔皮喺底，味道微甜，感覺健康。
科羅娜啤（跟餐）跟餐居然有大大支科羅娜啤，超抵！
總括而言，茶餐做呢個價錢有正餐分量仲包大大杯飲品真係抵食！
Post
