渝味曉宇重慶老火鍋 (新城市廣場) (Closed)

由西環見到開始已經好想試吓，不過我哋都係沙田友，比較難約喺西環聚餐，而家沙田都開咗啦，一於去試吓先！麻辣鴛鴦鍋 佢嘅麻辣湯底味道比較紮實 ，唔係化學味道，入口麻香四溢，也不會過辣過鹹，喺香港的麻辣湯底來講算不錯👍重慶酥炸肉呢個我當餐前小食，豬肉條係炸的，食嗰時都有啲驚喜，因為條脷會麻麻哋，應該係包住左麻椒之類一齊炸，送酒一流！豬腩片不會過肥，入口也不會有臊味萵筍同鴨血打邊爐我必叫，鴨血好煙靱，配麻辣湯底真係絕配，而萵筍吸晒啲湯好清甜而無渣衝上雲霄百香果雞尾酒呢杯等得耐少少，想飲嘅要早少少嗌入口都幾清新，大很濃郁的百香果甜味打邊爐食到辣辣地飲真係爽！