麥當勞

Open Now

Now Closed

最近出咗 LINE系列，我係粉絲，忍唔住點都係朝聖一下，買咗環保袋同埋公仔，跟手又去用我張抵食卡。咁多個配搭我都係鍾意食Double新地，麥旋風我以前好少食，而家我就成日食，今次有啲新意思，就係配搭蘋果批，今日冇食晏晝，所以下午茶可以食兩份。收銀小姐好有心咁問我試唔試新嘅芋頭批。我見人哋個包裝咁可愛，又即刻應承。依家麥當勞嘅問題係，冇一次嘅雪糕夠硬淨，成日擺一輪先比客人，每次都係食半溶嘅雪糕，不提也罷。又唔可以多花生，所以比以前退步。但我絕對唔會投訴，因為我今次都係用＄16食三樣嘢蘋果批熱辣辣，味道正宗。香芋批啲紫色就有啲淺色，可能我用紫薯嘅color同佢比較啦! 味道又比較淡，唔突出！