Video
Read full review
2022-11-11
966 views
最近政府終於放寬防疫政策🥳，餐廳可恢復現場音樂表演，所以我同朋友放工食飯，就專登揀咗有Live Music聽嘅「Amplifier Restaurant」。我多年前曾經到訪過此餐廳，呢度環境保持一貫休閒格調，紅磚牆以及木傢具散發一種復古風味，整體氣氛舒服👍。餐廳主打西餐菜式🍽，選擇都算多，但我認為定價稍為高咗啲。不過食完發現味道對得住個價錢，而且份量亦適中。燒西班牙脆皮乳豬($188)，🐷呢碟乳豬超掂，擺盤精美，色香味俱全。西式嘅乳豬好多時都係原隻或半隻上，所以未必全部豬皮都係脆皮。不過餐廳嘅出品比較似中式咁切開一片片，每片都好鬆化，脆卜卜，又帶少少肉。乳豬本身處理得好之外，我亦好欣賞成個配搭😍。乳豬面層放上無花果，而底部就墊咗塊脆片，再加埋黃芥辣，食落層次豐富，一啖包含多種味道同口感。卡邦尼扁意大利麵($158)，🍝卡邦尼係預期中嘅好食，醬汁濃郁得來，又唔算太膩，而且餸料都幾多，包括有煙肉🥓、蘑菇同洋蔥等。扁意粉有一定闊度，掛汁效果強，質感亦夠爽彈。香煎鵝肝($138)，鵝肝得兩嚿，感覺偏貴🙈，但味道取勝。鵝肝煎至外脆內軟，入口即溶，相當邪惡。伴旁有兩塊脆多士同沙律菜🥗，而個汁甜甜酸
最近政府終於放寬防疫政策🥳，餐廳可恢復現場音樂表演，所以我同朋友放工食飯，就專登揀咗有Live Music聽嘅「Amplifier Restaurant」。
我多年前曾經到訪過此餐廳，呢度環境保持一貫休閒格調，紅磚牆以及木傢具散發一種復古風味，整體氣氛舒服👍。
餐廳主打西餐菜式🍽，選擇都算多，但我認為定價稍為高咗啲。不過食完發現味道對得住個價錢，而且份量亦適中。
燒西班牙脆皮乳豬
$188
38 views
0 likes
0 comments
乳豬本身處理得好之外，我亦好欣賞成個配搭😍。乳豬面層放上無花果，而底部就墊咗塊脆片，再加埋黃芥辣，食落層次豐富，一啖包含多種味道同口感。
卡邦尼扁意大利麵
$158
11 views
0 likes
0 comments
香煎鵝肝($138)，鵝肝得兩嚿，感覺偏貴🙈，但味道取勝。鵝肝煎至外脆內軟，入口即溶，相當邪惡。伴旁有兩塊脆多士同沙律菜🥗，而個汁甜甜酸酸的(可能係蘋果?)，配鵝肝食幾夾。
意大利芝士餅
$78
16 views
0 likes
0 comments
意大利芝士餅($78)，佢係我最愛嘅Tiramisu☕️。甜品造型精致，製法正宗，集齊晒應有嘅元素，例如咖啡同酒嘅比例得宜、具馬斯卡邦芝士嘅軟滑以及濕潤嘅口感。佢獲得我呢位提拉米蘇達人嘅認證🤣。
美食佳餚故知然重要，不過Live Music亦不可或缺🎤。餐廳每逢星期四五六，都有歌手駐場。呢晚自彈自唱嘅男仔叫@chantsun，佢無論唱英文定廣東話歌都好好聽，要溫柔有溫柔；要Power有Power。
總括嚟講，呢間餐廳各方面都唔錯，食物出品有水準，環境舒適；而且仲可以聽歌，支持下演出者！放工嚟呢度可減到壓呢😊，推介。
Post
