壽司櫻 (Closed)

Lunch又同同事去食好野，今次黎到這間位於銅鑼灣，有omakase食的餐廳，一於lunch都要食廚師發辦！這裡的lunch omakase 有前菜3款、刺身3款、和食料理、壽司5款、湯和甜品，都好豐富架！前菜，有酸汁車厘茄、櫻花蝦流心蛋和日本九州慢煮雞胸沙律！沙律菜拌上柚子醋，酸酸味味，很開胃！而雞胸有煙燻過的味道，味道不錯！真鯛刺身，師傅落了岩鹽和紫蘇花調味，食落有獨有的甘香！伊佐木，師傅用火槍稍稍燒過魚皮位置，令魚油迫出，魚香味更濃！鰹魚，鰹魚用上蘋果木煙燻，加上有稍稍燒過，令魚的油甘味更突出，再配上紫蘇花醬汁，酸酸地幾惹味！金目鯛料理，師傅將金目鯛魚皮位置炸過，令魚皮非常脆卜卜，魚肉嫩滑！梭子魚壽司，梭子魚配上四季紅，帶有少少辣，梭子魚清爽鮮甜，幾正！鯖魚壽司，鯖魚壽司配上白昆布和紫蘇葉，有鯖魚的魚香，亦有紫蘇葉的味道，加上白昆布，酸酸地幾惹味！海膽壽司，壽司飯拌上紫菜碎，海膽上面加上淡海鹽，味道特別，海膽鮮甜！大拖羅，拖羅有稍稍燒過，減去魚的油膩感，配上櫻花蝦，令口感豐富！最後仲有面豉湯同埋紅豆奶凍，好滿足呀！