NeNe Chicken (大埔超級城) (Closed)

同同事係大埔區搵食越黎越難。唔係因為大埔無嘢食，而係因為佢地越黎越嘴刁。今次行過大埔超級城嘅NeNe Chicken見到佢大大隻字寫住Lunch Set 買3送1就入去坐低。一行7個嗌左8個set，其中一個係炸雞拼盤。拼盤上面嘅雞上檯時微暖，7隻雞每款都唔同口味有辣有唔辣，各有特色。我就叫左份炸雞石頭窩飯，上菜夠熱同埋個甜辣醬夠味同夠多都可以撈到全部都有味。其他同事就嗌左蛋包飯同撈麵，味道唔錯但係就係上菜時間有d慢，最後個份餐等左半個鐘先上。總括黎講lunch想食韓國炸雞的話選擇唔錯。美中不足係飲品方面，凍檸茶得一片檸檬點督都無味，柚子茶凍熱都唔夠醬有d失望。但係食品方面都ok。