茶木‧台式休閒餐廳 (Closed)

20170126 臨近歲晚收爐，相約同事食餐好嘅。lunch time嘅中環茶木經常爆滿，梗係叫同事早啲出去排隊攞定位先趕得切食。中環茶木嘅mix & match lunch set $79非常受歡迎，因為佢價錢抵得嚟仲有好多唔同嘅配搭，每人嗌一個lunch set大家一齊share，就可以試勻哂好多款式嘅餸。由前菜、主菜、麵食，飲品都有得揀，梗有款啱你口味。是日花枝丸同鱸魚柳都賣哂。惟有揀返招牌鹽酥雞，拼嫩鴨同香芋新竹米粉。鹽酥雞味道一向有保證，細細件香脆惹味。鴨肉亦都夠哂入味，肉質少許鞋。糖心蛋滷得夠入味。米粉有驚喜，用咗幼身嘅台新竹米粉，啱女仕口味，唔怕索水發漲，湯底味夠濃。反而舊芋頭冇特別，可有可無。黑糖薑母茶又賣哂，點咗柚子茶，都係樽裝倒出嚟即沖，味道幾甜。