Video
Read full review
2023-09-04
50 views
-Makuma-@荔枝角.平時比較少經過D2 One荔枝角道的那邊，當日經過先發現原來呢個位置有間新餐廳。.餐廳以木系為主的裝修，加上偏暗的燈光， 十分有情調。門口有一張戶外餐枱，而內有吧枱，放工嚟飲番杯應該係不錯之選。.日式玉子燒 伴 明太子美乃滋 ($78)食日本料理必點玉子燒。玉子燒做得好軟嫩，口感輕盈。哩度的玉子燒並非偏甜的味道，蛋味香濃，表面稍為燒香，加上明太子沙律醬，更為滋味。.西京燒銀鱈魚 ($108)另一必點菜式就是西京燒銀鱈魚，簡單的擺盤十分精緻。初初以為表面燒焦了，但食落完全唔係，可能是表面的醃料燒起嚟顏色較深。.魚塊的份量都唔細，好厚身。銀鱈魚醃得好入味，基本上不用沾沙律醬。加上魚油嘅鮮香，配合燒得香脆的魚皮，整體口感和味道都很好。.味噌炒野菜 ($68)炒椰菜瞓啦都唔使，有大量椰菜、本菇、金菇等。加上味噌和青紅椒調味，更為惹味。.灸燒慢煮日式叉燒冷烏冬 ($108)日式叉燒偏厚身，以慢煮方式烹調二十四小時，以保留肉汁及豬肉的嫩滑口感。.以五花腩煮成的叉燒帶有一層皮脂，再加以燒香，將多餘的油脂逼出來，食落更帶豬肉的鮮味。.烏冬食落有嚼勁，先將留心蛋的蛋黃和烏冬混合
-Makuma-@荔枝角
.
平時比較少經過D2 One荔枝角道的那邊，當日經過先發現原來呢個位置有間新餐廳。
.
餐廳以木系為主的裝修，加上偏暗的燈光， 十分有情調。門口有一張戶外餐枱，而內有吧枱，放工嚟飲番杯應該係不錯之選。.
日式玉子燒 伴 明太子美乃滋 ($78)食日本料理必點玉子燒。玉子燒做得好軟嫩，口感輕盈。哩度的玉子燒並非偏甜的味道，蛋味香濃，表面稍為燒香，加上明太子沙律醬，更為滋味。
.
西京燒銀鱈魚 ($108)另一必點菜式就是西京燒銀鱈魚，簡單的擺盤十分精緻。初初以為表面燒焦了，但食落完全唔係，可能是表面的醃料燒起嚟顏色較深。
.
魚塊的份量都唔細，好厚身。銀鱈魚醃得好入味，基本上不用沾沙律醬。加上魚油嘅鮮香，配合燒得香脆的魚皮，整體口感和味道都很好。.
味噌炒野菜 ($68)炒椰菜瞓啦都唔使，有大量椰菜、本菇、金菇等。加上味噌和青紅椒調味，更為惹味。
.
灸燒慢煮日式叉燒冷烏冬 ($108)日式叉燒偏厚身，以慢煮方式烹調二十四小時，以保留肉汁及豬肉的嫩滑口感。
.
以五花腩煮成的叉燒帶有一層皮脂，再加以燒香，將多餘的油脂逼出來，食落更帶豬肉的鮮味。.
烏冬食落有嚼勁，先將留心蛋的蛋黃和烏冬混合，加上洋蔥、木魚絲等調味，配合清淡的鰹魚湯已經好好食。.
凍焙茶鮮奶 ($48)濃厚的牛奶加上甘香的焙茶味。
.
本來想點埋玄米茶巴斯克蛋糕，但我哋兩個已經太飽食唔落，決定下次會再嚟試吓。
.
Post
