Video
Read full review
2021-06-19
4978 views
平時極少食素，今日好同事帶我食精緻嘅素食午餐，呢間素食餐廳位於上環地下舖位，裝修正常，入到黎齋睇環境估唔到啲菜式係咁精緻。午餐有兩款揀，分別係三道菜同四道菜。今次係我第一次黎，就揀個入門嘅三道菜試吓，價錢$188另加一，包咖啡或茶。每道菜都可以三款揀一款，有啲菜式要加錢，餐牌清楚寫明菜式是否符合唔同素食者嘅要求。菇絲粉皮第一道菜菇絲粉皮賣相唔錯，一大塊薄薄粉皮晶瑩剔透，上面有一pat芝麻醬同菜絲裝飾，下面有唔少好似雞絲嘅杏鮑菇絲，個樣真係好似雞絲，食落爽爽哋，似海蜇，加埋少少青瓜絲，真係好似食緊雞絲粉皮。黃金梛菜花第二道菜係黃金梛菜花，一客三件梛菜花，整得好似黃金蝦，熱辣辣，係辣嘴嘅。鹹蛋黃啱啱好，唔過鹹但係好香。加埋啲香滑南瓜蓉一齊食好好味。梛菜花下面有啲燴雜菌，蠔油味重。菠蘿咕嚕菇最後一道菠蘿咕嚕菇份量唔少。非常驚喜嘅係廚師用杏鮑菇同猴頭菇真係整到好似咕嚕肉咁，唔單止形似，連食落口都係外脆內稔，個脆皮仲要好薄，超正。個汁有甜梅汁，當然係正宗咕嚕汁嘅味。配料仲有新鮮菠蘿，青蘋果同甜椒。跟餸仲有一碗菜飯，飯粒粒粒分明，濕潤度適中，食哂成碗飯好飽。餐飲我要左熱檸水，冇特別。好同事叫左四道
午餐有兩款揀，分別係三道菜同四道菜。今次係我第一次黎，就揀個入門嘅三道菜試吓，價錢$188另加一，包咖啡或茶。每道菜都可以三款揀一款，有啲菜式要加錢，餐牌清楚寫明菜式是否符合唔同素食者嘅要求。
菇絲粉皮
140 views
1 likes
0 comments
菇絲粉皮
菇絲粉皮
97 views
0 likes
0 comments
第一道菜菇絲粉皮賣相唔錯，一大塊薄薄粉皮晶瑩剔透，上面有一pat芝麻醬同菜絲裝飾，下面有唔少好似雞絲嘅杏鮑菇絲，個樣真係好似雞絲，食落爽爽哋，似海蜇，加埋少少青瓜絲，真係好似食緊雞絲粉皮。
黃金梛菜花
80 views
0 likes
0 comments
黃金梛菜花
黃金梛菜花
75 views
0 likes
0 comments
第二道菜係黃金梛菜花，一客三件梛菜花，整得好似黃金蝦，熱辣辣，係辣嘴嘅。鹹蛋黃啱啱好，唔過鹹但係好香。加埋啲香滑南瓜蓉一齊食好好味。梛菜花下面有啲燴雜菌，蠔油味重。
菠蘿咕嚕菇
62 views
0 likes
0 comments
菠蘿咕嚕菇
菠蘿咕嚕菇
40 views
0 likes
0 comments
最後一道菠蘿咕嚕菇份量唔少。非常驚喜嘅係廚師用杏鮑菇同猴頭菇真係整到好似咕嚕肉咁，唔單止形似，連食落口都係外脆內稔，個脆皮仲要好薄，超正。個汁有甜梅汁，當然係正宗咕嚕汁嘅味。配料仲有新鮮菠蘿，青蘋果同甜椒。
跟餸仲有一碗菜飯，飯粒粒粒分明，濕潤度適中，食哂成碗飯好飽。
餐飲我要左熱檸水，冇特別。
好同事叫左四道菜，分享左甜品俾我食。
菠蘿雪芭
45 views
0 likes
0 comments
呢個菠蘿雪芭唔係齋雪芭咁簡單，下面有一片薄菠蘿片，最下底仲有脆餅碎加添口感。
芒果醬梛汁糕同桂花糕一口一啖，味道正常。
總括而言，呢餐帶俾我非常驚喜嘅一餐素食體驗，估唔到食素食到好似食肉咁，仲好飽肚。當然價錢唔平。至於服務方面就差啲，個別外籍服務員態度幾差，掃興，絕對需要改善一下。
Post
