微酵烘焙 (MOKO新世紀廣場) (Closed)

同朋友響Moko睇完戲行下發現火車站樓層開左間台式茶品加麵包店，興致勃勃就買兩啲試下！ 極濃日式抹茶香緹 $36 我點左微甜嘅抹茶飲品，香緹即係cream嘅意思，我怕肥所以主動話唔要，抹茶係香加埋夠曬濃，由於佢係用日本明治鮮奶去沖，所以奶嘅味道同新鮮度都有保證，而且奶香味都出衆，可惜嘅係無得加珍珠，有就更happy!極濃法式可可藍芝士奶蓋 $40 朋友點嘅，佢都幾滿意吓，第一嘅出面係無乜見過藍芝士奶蓋，藍芝士往往有種神秘嘅感覺，而且厚而豐盈，加上朱古力有啲苦，但有鮮奶中和，飲一杯飲品都覺滿足了！我們見買包同時買飲品會有8折，所以都買埋面包。招牌三文治 $22 有啲似台灣之前嘅林瑞珍三文治，麵包夠軟，每層有唔同嘅餡，芝士，火腿同埋甜忌廉！蒜香煙肉軟包$28 真係無講錯，麵包的確很軟熟！微微有彈性，加上蒜蓉小粒充滿了麵包面，煙肉平放於包上同埋不太油膩。章魚大哥 $28個形可愛，有眼仔，又有so so,個包都幾乾身, 有小朋友至愛嘅腸仔，俾佢地做早餐開心死！ 香軟肉鬆包 $28 平時響大x買的肉鬆包好多油，同埋沙律醬，一路食一路驚肥，依個就唔會，同埋個包真係好夠軟，滿滿的肉鬆，令我食慾大