Video
Read full review
2019-06-16
1096 views
今日做完FACIAL，約左個朋友出黎旺角食午飯，突然想食滷肉飯，所以搵左呢間店舖，入面環境唔算好大，但都算幾企理，我們被安排入座後就馬上睇睇餐牌睇下有咩野食！因為做完FACIAL都已兩點多，餐牌都有提供下午茶餐。如果唔啱食，都仲有午餐供應，睇睇價錢都似乎幾合理，所以都冇理佢係唔係茶餐，啱就照叫了。我叫了一個小麻吉滷肉鹽酥雞拼小香腸飯，碟飯上枱，望落去都幾豐富，入面有幾舊鹽酥雞，幾條小香腸，飯上有一些滷肉，仲有隻滷水蛋，有少少菜和幾塊酸瓜。第一啖就試下個鹽酥雞先，因為平時在其他地方食鹽酥雞都會偏鹹，但呢度居然個鹹味又較得幾適中喎。個炸漿夠薄身添，個雞肉入面仲食到有少少肉汁，啱啱好，唔過熟，唔鞋，個滷肉開頭睇佢覺得個份量好似唔多夠，但原來食起上黎又幾送到飯喎。不多不少。啱啱好！小香腸食落又真係幾有台灣風味喎！滷水蛋個味唔太濃，但就食到淡淡得滷水味道！菜同瓜雖然個份量唔多，但個味道都做得唔錯！2點半，剛好開始有下午茶供應，下午茶套餐分三個類別 : T1 小碗飯、T2 新竹米粉、T3 台式炸物拼盤，朋友話飯日日都有得食, 反而新竹米粉好耐冇食過，且佢本人尚辣，所以選了麻辣擔擔湯新竹米粉，再配花
我叫了一個小麻吉滷肉鹽酥雞拼小香腸飯，碟飯上枱，望落去都幾豐富，入面有幾舊鹽酥雞，幾條小香腸，飯上有一些滷肉，仲有隻滷水蛋，有少少菜和幾塊酸瓜。第一啖就試下個鹽酥雞先，因為平時在其他地方食鹽酥雞都會偏鹹，但呢度居然個鹹味又較得幾適中喎。個炸漿夠薄身添，個雞肉入面仲食到有少少肉汁，啱啱好，唔過熟，唔鞋，個滷肉開頭睇佢覺得個份量好似唔多夠，但原來食起上黎又幾送到飯喎。不多不少。啱啱好！小香腸食落又真係幾有台灣風味喎！滷水蛋個味唔太濃，但就食到淡淡得滷水味道！菜同瓜雖然個份量唔多，但個味道都做得唔錯！
小麻吉滷肉鹽酥雞拼小香腸飯
$48
23 views
0 likes
0 comments
2點半，剛好開始有下午茶供應，下午茶套餐分三個類別 : T1 小碗飯、T2 新竹米粉、T3 台式炸物拼盤，朋友話飯日日都有得食, 反而新竹米粉好耐冇食過，且佢本人尚辣，所以選了麻辣擔擔湯新竹米粉，再配花枝丸、魚皮餃。湯麵一上枱已聞到陣陣麻辣香味，湯底顔色有點近似冬蔭公湯，米粉精瑩通透，湯底不算很辣，一般人都應該接受到，新竹米粉質地彈牙，每條麵條都能沾上麻辣湯汁，十分可口，花枝丸爽口又大粒，魚皮餃煙韌魚味濃。朋友覺得相當滿意。
麻辣擔擔湯新竹米粉
$36
21 views
1 likes
0 comments
三味原來係指涼拌小王瓜、滷蛋、夜市小香腸；小王瓜清甜爽脆，食落帶有醋的甜酸味，十分醒胃；滷水蛋一人有四份件，小香腸約有拇指般大小，外皮脆，香口彈牙亦帶點甜味，令人不自覺的一口接一口地吃下去。
三味拼盤
$18
11 views
0 likes
0 comments
皮旦本身冇咩味，主要食口感、 不過配上合適的調味料，自然令味道更有層次，今次涼拌皮旦上淋上少許麻辣汁，不單止香而且相當惹味。
尖椒皮旦
$12
29 views
0 likes
0 comments
我們食到咁上下，望一望個餐牌，有新發現，有個叫甘梅脆薯既東西，聽個名有點吸引，所以唔理三七廿一就叫左一客，上枱時原來都幾大碟下。數落都有十幾條蕃薯條，蕃薯條又唔算好細舊，面頭仲撒了一些梅粉，令個味道帶點酸酸的。脆薯用的炸漿不是真係好脆口果隻炸漿，佢好似落左啲蛋去炸，有少少蛋香味，個蕃薯入面都幾甜，整個菜甜中帶酸，酸中又帶甜，令成件事好有層次。
甘梅脆薯
$31
15 views
0 likes
0 comments
凍珍珠奶茶 (左) 跟餐加 $5
這裏的珍珠奶茶幾好，不太甜，有淡淡茶香味
百香果綠茶 (右) 跟餐加$5
飲落都幾香百香果味，雖然百香果香，但好在佢又冇搶走原本的綠茶味，兩者都配合得宜，夏天飲，FIT晒！
百香果綠茶
$5
14 views
0 likes
0 comments
食左咁多野都係咁既價錢！老實講，真係又好食，又抵食！
Post
