Video
Read full review
2022-12-26
856 views
12月25日聖誕節本身想同個朋友開開心心食餐飯見到佢新開業 價錢都幾公道就入咗去試一行入去 即刻俾佢勁勁勁勁勁濃嘅油煙味攻到好辛苦我唔係未出街食過燒肉 但我未試過入一間餐廳係有窒息感 抖啖氣都辛苦😷不過我朋友話想食 咁我就捨命陪君子😐職員安排咗張雙人枱俾我果個位置通風真係好差 嘗試搵職員加強吓啲通氣🤧佢搞完一輪 無補於事算 快啲食完快啲走 可能都係商家嘅策略掛🫠我透過QR Code落單嗌咗Don Don套餐同M5套餐加罐酒揀完嘢食就即刻線上俾埋錢食物方面 飯冇飯素 亦冇紫菜 覺得有啲失色🫢套餐跟麵豉湯同泡菜 其實泡菜味道都幾好嘅不過作為主角嘅燒肉就比較乏味配合大量醬料之後都幾好食嘅🥴燒咗幾分鐘 唔知發生咩事個爐噴哂白煙 白煙多到枱底都係好濃嘅白煙🌫️🌫️濃濃嘅白煙衝擊我眼球 澀眼澀到開唔到眼🌫️🌫️要緊急熄爐停一停先冇事🌫️🌫️啲白煙一定唔關啲肉先 因為當時啲肉係冇白煙🌫️🌫️所以應該係唔知燒到個爐啲咩🌫️🌫️期間完全冇職員理我哋 之後我哋用中火力繼續燒我擺咗兩塊牛肉去燒燒完一邊反另一邊嘅時候突然間啲油搶火💥火舌燒到個爐上面大約10cm嘅高度🔥啲熱油都彈到周圍都係 仲要彈到我成手都係💥啲熱油溫度極度高 彈
本身想同個朋友開開心心食餐飯
見到佢新開業 價錢都幾公道就入咗去試
一行入去 即刻俾佢勁勁勁勁勁濃嘅油煙味攻到好辛苦
我唔係未出街食過燒肉
但我未試過入一間餐廳係有窒息感 抖啖氣都辛苦😷
不過我朋友話想食 咁我就捨命陪君子😐
職員安排咗張雙人枱俾我
果個位置通風真係好差 嘗試搵職員加強吓啲通氣🤧
佢搞完一輪 無補於事
算 快啲食完快啲走 可能都係商家嘅策略掛🫠
我透過QR Code落單嗌咗Don Don套餐同M5套餐加罐酒
揀完嘢食就即刻線上俾埋錢
食物方面 飯冇飯素 亦冇紫菜 覺得有啲失色🫢
套餐跟麵豉湯同泡菜 其實泡菜味道都幾好嘅
不過作為主角嘅燒肉就比較乏味
配合大量醬料之後都幾好食嘅🥴
燒咗幾分鐘 唔知發生咩事
個爐噴哂白煙 白煙多到枱底都係好濃嘅白煙🌫️🌫️
濃濃嘅白煙衝擊我眼球 澀眼澀到開唔到眼🌫️🌫️
要緊急熄爐停一停先冇事🌫️🌫️
啲白煙一定唔關啲肉先 因為當時啲肉係冇白煙🌫️🌫️
所以應該係唔知燒到個爐啲咩🌫️🌫️
期間完全冇職員理我哋
之後我哋用中火力繼續燒
我擺咗兩塊牛肉去燒
燒完一邊反另一邊嘅時候突然間啲油搶火💥
火舌燒到個爐上面大約10cm嘅高度🔥
啲熱油都彈到周圍都係 仲要彈到我成手都係💥
啲熱油溫度極度高 彈到我極度極度極度痛🔥
當時旁邊有位女性職員 佢當刻都嚇親
佢即時安排咗我入廚房沖手 亦提供咗燙火膏俾我
而佢俾我嘅時候係咁講嘅：
「好彩今日買咗枝燙火膏啫 貴嘢嚟㗎 成70蚊㗎」
我當刻聽到心諗...我係咪要俾番錢你呀 咩事呀😒
職員又俾佢隻手我睇話我今次只係彈到少少好好彩啦
佢平時番工成日受傷
又話我男仔嚟嘅 少少痛啫
我則回應：「我嚟食餐飯啫 唔洗嚟受咩磨難掛 都唔洗證明自己係咪男人掛？」🙄
事後佢哋安排咗另一張枱俾我哋燒埋剩低嘅肉
而原先嘅爐完全係爆到醺黑哂 極度恐怖 （有圖）
可以清楚見到爐嘅底部有塊錫紙兜住啲油
初步估計 係燒肉期間滴咗啲油落去搶火再燒爆埋下面嘅熱油
所以先會成個爐都徹底黑晒😰
受傷情況：
今次好好彩主要係彈到手指甲為主
而仲有啲「散彈」就散布手嘅其他位置
所以未有做成太多程度嘅燒傷
但手甲附近位置已經燒到微微穿咗皮
如果係彈到面或者眼的話 肯定要即時送院
事件發生後
職員對賠償事宜毫無表示 亦無再作跟進
問佢哋攞冰敷 佢哋話冇
問佢哋會點樣作賠償 店員話要聯絡老闆
而店員到店舖外傾咗數分鐘電話之後竟然話搵唔到老闆
話自己無權限修改我哋張單
亦表示自己有提供燙火膏 已經做得好足
所以拒絕作出任何賠償 只會向老闆反映事件☺️
最後佢問「定你想我請你飲啲嘢？」
我真係多謝哂你喎
起身 走人
大家如果真係想試吓會爆炸嘅燒肉 想火化自己
不妨一試
但如果想安安全全食餐飯就諗清楚啦
我肯定冇做過任何危險行為
絕對係爐具清潔同設計上以致嘅危險
職員仲話過之前仲有食客試過燒到火燭
想醫肚定睇醫生大家自己諗
Post
