籠町茶番 (Closed)

今日陪老婆去旺角中心行街，間間都賣女人嘢，我就係三陪（陪佢揀，陪佢買同陪上我的錢），當遊雲遊到一個點嘅時候，居然比我見到間新嘢，就係＂茶番＂喇！舖面顏色好戶外嘅感覺，木色配綠色，好有茶嘅感覺。(講下笑自娛下啫！) LEE個時候點都買杯嚟試下，順便醒醒神。揀嚟揀去… 揀咗LEE杯＂京都抹茶加配抹茶布丁＂，因為好少見這款所以試下。用抹茶做茶底唔係第一次飲，但佢同其他地方飲到嘅口味係有大分別的，甘甘地甜甜地，抹茶味好濃郁，濃到好似飲到茶粉嘅感覺，當然唔係一粒粒粉啦！而佢嘅抹茶布丁有同樣感覺，好濃郁的抹茶味之外，有口感，滑得黎又有同一種粉粉的感覺，口感好特別，真係好美味，以後又多一間珍珠奶茶比我揀啦！