Video
Read full review
2016-05-30
391 views
朗豪坊雖然位處於比較平民嘅旺角區, 但係商場內嘅餐廳價格往往都所費不菲, 無論係Food Court, 或是高層餐廳, 動輒每人都要幾百蚊, 但又未必食得飽。不過經過我研究一番之後, 發現位處商場11樓嘅紅蔥頭, 價格來得相宜, 食物質素亦都不錯。我地到步嘅時候正值晚飯時間, 所以都有不少人等候入座, 不過唔緊要, 可以係等候嘅時候, 可以睇定餐牌: 無論係懷舊扒房嘅据扒餐, 定係意粉、意大利飯都一應俱全, 令人非常之期待!等左大約5分鐘, 終於可以入座喇XD 室內裝修環境懷舊復古, 色調柔和, 令人感覺非常舒服。而且上菜速度又夠快, 唔駛好耐, 我地點嘅二人set dinner亦都陸續上場。先有滋味羅宋湯, 蕃茄味濃厚, 雜菜也見不少, 帶點微微嘅酸辣味道, 令人開胃, 不禁要多喝幾口。而那兩塊蒜蓉包亦有畫龍點精之效, 焗得香脆當然不在話口, 亦係牛油、蒜香味, 無論係淨食, 或是點羅宋湯, 都依然味美!接著有一道小食, 田螺焗薯蓉。外表看起黎可能平凡, 但其實一啲都唔易烹調。薯蓉磨得夠細膩, 唔會起沙, 入口質感都幾滑; 而田螺嘅味道亦比我想像好食, 本以為會似橡膠、淡而無味, 但
我地到步嘅時候正值晚飯時間, 所以都有不少人等候入座, 不過唔緊要, 可以係等候嘅時候, 可以睇定餐牌: 無論係懷舊扒房嘅据扒餐, 定係意粉、意大利飯都一應俱全, 令人非常之期待!等左大約5分鐘, 終於可以入座喇XD 室內裝修環境懷舊復古, 色調柔和, 令人感覺非常舒服。而且上菜速度又夠快, 唔駛好耐, 我地點嘅二人set dinner亦都陸續上場。
先有滋味羅宋湯, 蕃茄味濃厚, 雜菜也見不少, 帶點微微嘅酸辣味道, 令人開胃, 不禁要多喝幾口。
而那兩塊蒜蓉包亦有畫龍點精之效, 焗得香脆當然不在話口, 亦係牛油、蒜香味, 無論係淨食, 或是點羅宋湯, 都依然味美!
接著有一道小食, 田螺焗薯蓉。外表看起黎可能平凡, 但其實一啲都唔易烹調。薯蓉磨得夠細膩, 唔會起沙, 入口質感都幾滑; 而田螺嘅味道亦比我想像好食, 本以為會似橡膠、淡而無味, 但其實入口爽口彈牙, 易咀嚼、易消化, 而且味道還不俗呢!
小食之後, 當然就係正餐時間, 先有迷迭香羊扒煙腩片伴香草茄蓉汁。 七成熟嘅羊扒, 外表煎得金黃香烤嘅感覺, 賣相已攞足分。而味道肉味香濃卻無半點羶味, 加上肉質軟惗, 已經叫我地享受其中。配上酸甜味適中嘅茄蓉醬, 敢肯定唔會令你失望。而煙腩片比起平時食開嘅煙肉片, 質感更有層次, 肉香味道更濃, 配合到整碟主菜嘅風格!
露荀野菌意大利飯亦係同樣值得期待, 意大利飯經過上湯同忌廉慢燴之後, 吸收左上等嘅精華, 令每一顆飯粒都黎得飽滿, 味道亦黎得豐盛。野菌同露荀亦都令整碟主菜感覺更清新, 爽口嘅露荀、野菌亦夠入味, 係不俗嘅選擇。
主菜過後, 係餐飲同甜品上場嘅時間。新鮮即榨嘅橙汁, 絕無人工色素, 當然好飲啦; 而甜品亦都令人驚喜十足, 本以為白色嘅那球雪糕係雪呢拿味道, 點知原來係薑味~~ 不過大家唔駛擔心, 雖然雪糕係薑味, 但味道唔會搶喉, 反而係淡淡嘅薑汁跟牛奶平均地混在一起, 配上曲奇餅乾, 滋味十足。整餐晚飯, 所費都係$300左右, 價位中等, 比起商場內其他餐廳實際、不做作, 物有所值, 絕對會重臨!
Post
