極上帝王水產

Open Now

Now Closed

好耐冇食過放題，昨晚約埋3個朋友一齊聚一聚吹吹水既最好選擇就係食放題啦！就大家近番屋企，所以最好既地點就係旺角啦！兆萬出左名多放題餐廳，今次就揀左9樓既《極上帝王水產》！旺角首間有日式、泰式、西式既餐廳，地方唔算太大，全部都係tick 紙點餐，有成16張紙食物有好多種類，有刺身、炸物、沙律🥗前菜等等，飲品都有成10幾款，仲有啤酒🍻任飲！大家放左工都肚餓了，首round當然係叫刺身啦，擺盤擺得好有心思，每款都點d , 挪威厚切三文魚、象拔蚌刺身、榮螺片、北海道帶子刺身、希靈魚刺身、珍寶赤蝦刺身總共有成10多款刺身任身，所有刺身都好鮮甜，好爽脆香甜，所以我地叫左2round! 壽司就點左黑松露珍寶帶子壽司，好香濃黑松露既味道配埋帶子一齊食十分match! 及牛油果🥑軟殻蟹卷，因壽司有飯太飽肚，不敢叫太多！之後食天婦羅🍤，有巨海老、南瓜、一口薯同BB露筍，熱辣辣炸得好鬆脆，炸粉唔會太多！到食爐端燒：香草燒羊架、日本蕃薯仔、鹽燒牛舌，好香脆同香口，口感一流！到食星空炸物；日本芝麻雞翼、至愛既榴蓮炸彈、炸蝦餅、朱古力心太軟；全部都熱辣辣登場，要好小心咁食，內裡係流心狀態，榴蓮炸彈超好味冇得輸！😋