孖啡 (Closed)

見Openrice有咁多好評，又見到有50%off discount，就同朋友黎左食lunch。一上到黎見到環境已經一般，無平時舒服cafe嘅感覺，店員安排嘅位置係走廊位，好迫。最後我叫左lunch menu嘅龍蝦汁海鮮天使麵，同一杯rose latte。天使麵嘅龍蝦汁唔香濃，3隻蝦，2隻青口，還可以。Rose latte就真係好麻麻，個拉花一黎已經散晒，亦無rose嘅點綴，賣相好一般，飲落去杯咖啡唔係好熱，味道就還可接受。朋友就叫左香蒜白酒蜆意粉同芒果梳打，唔算好好食。最後嗰個五折優惠都冇用到，因為其實計返lunch Menu都差唔多價錢，如果我想再去Cafe食嘢應該唔會黎呢間。