Video
Read full review
2016-05-18
2493 views
抹茶景點？乜香港開咗抹茶博物館咩？唔係… 係食係歎係舒服嘅新地方！第一篇blog嚟介紹下抹茶控一個好去處：御前上茶👍🏻一行入去已經聞倒淡淡嘅抹茶香味喇～老闆話御前上茶嘅抹茶係用日本歷史悠久嘅「森半抹茶」整架，所以香味同茶味都特別濃郁，令人一試難忘。事不宜遲 開始介紹下佢地嘅食物先！身為抹茶控嘅你，仲係食緊抹茶雪糕、抹茶蛋糕？識食嘅一定係食抹茶雪糕菠蘿包($48)同抹茶菠蘿油($46)！賣相吸引就不在話下，佢仲夠哂足料！食一啖之後嗰浸抹茶嘅餘香仲keep住喺口入面😛抹茶菠蘿包同埋菠蘿油，兩款菠蘿皮都有平時食開嘅菠蘿包甜味，同時亦有抹茶嘅甘香味；唯獨抹茶菠蘿油牛油味可以再重啲，對我嚟講，菠蘿油就應該要夠 heavy嘛！YUMMY小貼士：鐘意食雪糕嘅你，可以揀抹茶菠蘿包，有又凍又熱嘅口感（不過要注意，會食得較呢hea）；鐘意重牛油香嘅你，就可以揀抹茶菠蘿油，充滿住牛油同抹茶嘅香味。怕淨係食嘢會口乾？唔緊要！仲有比你有清新refresh感覺嘅抹茶梳打($36)望倒已經「叮」一聲！好靚嘅一杯漸變色抹茶飲品，將飲品攪勻之後，梳打同抹茶混為一體。有汽梳打嘅刺激，加上淡淡嘅抹茶香，真係有一種煥然一新嘅
一行入去已經聞倒淡淡嘅抹茶香味喇～老闆話御前上茶嘅抹茶係用日本歷史悠久嘅「森半抹茶」整架，所以香味同茶味都特別濃郁，令人一試難忘。事不宜遲 開始介紹下佢地嘅食物先！
身為抹茶控嘅你，仲係食緊抹茶雪糕、抹茶蛋糕？識食嘅一定係食抹茶雪糕菠蘿包($48)同抹茶菠蘿油($46)！
賣相吸引就不在話下，佢仲夠哂足料！食一啖之後嗰浸抹茶嘅餘香仲keep住喺口入面😛抹茶菠蘿包同埋菠蘿油，兩款菠蘿皮都有平時食開嘅菠蘿包甜味，同時亦有抹茶嘅甘香味；唯獨抹茶菠蘿油牛油味可以再重啲，對我嚟講，菠蘿油就應該要夠 heavy嘛！
YUMMY小貼士：鐘意食雪糕嘅你，可以揀抹茶菠蘿包，有又凍又熱嘅口感（不過要注意，會食得較呢hea）；鐘意重牛油香嘅你，就可以揀抹茶菠蘿油，充滿住牛油同抹茶嘅香味。
怕淨係食嘢會口乾？唔緊要！仲有比你有清新refresh感覺嘅抹茶梳打($36)
望倒已經「叮」一聲！好靚嘅一杯漸變色抹茶飲品，將飲品攪勻之後，梳打同抹茶混為一體。有汽梳打嘅刺激，加上淡淡嘅抹茶香，真係有一種煥然一新嘅感覺😍絕對冇令我失望 值得一試！
壓軸登場就係御前上茶嘅招牌甜品－御前抹茶盛合($84)
間間抹茶甜品舖整出嚟嘅甜品都差唔多一式一樣。紅豆丸子配抹茶雪糕就實有架喇！但冇啲gimmick嘢又點出位呢？哩個御前盛合加左乾冰喺底，keep住有煙出嚟，淨係相機都食餐飽！
哩個抹茶雪糕比其他抹茶雪糕係有少少分別，佢一個抹茶雪糕入面仲有分深綠同淺綠色架。淺綠色係比較甜嘅雪糕味，而深綠色就係較甘香嘅抹茶味。兩種夾埋嚟食唔太甜又唔太漏😋
不過價錢方面就真係唔太抵喇…
至於唔想堂食嘅朋友仔，御前上茶亦設有外賣 Part，咁就可以一路行一路食啦！
大家除左食野同飲野之外，同時都要欣賞老闆喺裝潢方面嘅心思。
簡約日本風令你坐得舒服，牆上面仲有好多明星嘅簽名同親手寫嘅字句。話唔定下一次你去食嘅時候，劉時鎮就坐喺你隔離呢！
Post
