喜鍋 海鮮‧火鍋‧小廚 (Closed)

收工同朋友去旺角朗豪坊附近打邊爐 原本book呢間喜鍋係因為慕網上瘋傳的「牛魔王塔」之名而來 不過結果因為其中一個朋友唔食得牛而無叫到 雖然無食最出名的牛肉但估唔到都一樣好驚喜我地首先叫左個炸蝦餅作為前菜 蝦肉非常新鮮而且炸出來非常脆口 估唔到第一道菜已令我地刮目相看打邊爐湯底方面我地揀左花膠鯊魚骨湯底 呢個湯非常滋補養顏 皆因花膠同鯊魚骨都含有豐富骨膠原 對於我地女士美顏護膚有好大幫助 而以鯊魚骨熬湯更可補血益氣 絕對係打邊爐養生之選湯底鮮味香甜 睇得出店鋪真係落足靚料 推介必定要試一試頭啖湯 非常美味隨湯底附上了一小木桶盛載的脆米飯 我唔清楚其他湯底有無呢個脆米 店員話係用來浸湯當泡飯食的 食落真係非常有驚喜 之所以稱佢為脆米係因為呢d米有別於一般飯焦 佢焦脆得來又唔似飯焦 而係一粒一粒好似炒飯咁 估唔到打邊爐都可以試到咁特別的泡飯 其他食物都好新鮮選料好靚 最難得係食完好耐都無覺得口渴 估計個湯底真係用足料完全無落味精 下次絕對會再試P.S. 店鋪宜家做緊fb promo 只要即場like左店鋪fb就可以免費獲得一個小食