桔梗 (Closed)

同朋友出街，又想支持下黃店，見個個話呢間好食，之前經過又見門口等晒人，一於試下佢啦。好彩book左位，去到唔洗等。入到去原來有兩層，我地被安排左係第一層。環境唔錯，幾闊落，但兩人檯係講就細左啲（不過香港大部份餐廳都係咁，冇計）兩人都唔算肚餓，叫左兩樣野食算，但其實好多野都好似好吸引咁。1.特製雞中翼5分滿分比4分啦，$88有8隻都叫抵啦，食落幾辣，同埋都好熱，真係要放凍少少食，應該真係即叫即炸，但本人覺得油左少少，如果冇咁油會好啲。2.干貝燻鮭翠瓜奶油燉飯都係5分滿分比4分啦，帶子好好食，煎得好香，本身以為奶油會好濟，但又唔會啵，但啲飯就唔夠軟熟，硬左少少咁，有啲難消化咁。最後，真係食唔晒咁多隻雞翼，剩左4隻，本身想打包走，點知唔記得左，曬晒總括黎講，整體都唔錯，下次再食可以試下其他菜式。