Video
Read full review
2023-04-27
1147 views
本身我係好喜歡食牛角包，但前題係要夠脆及有牛油香，兩大要求，缺一不可。早前畀蜜蜂仔嘅樓下有牛角包嘅banner 吸引，今日趁落雨上嚟試下，而我對鹹牛肉亦情有獨鍾，於是叫個鹹牛蛋配牛角包早晨，配咖啡，$37。但大家有眼睇，望到個款已經毫無食慾可言，個包塌曬落去，好似隔夜麵包咁，個蛋啞色，個蛋下面嘅鹹牛肉就一絲絲，有啲洋蔥，但好油。個包無餐紙包住，要食嘅話，一係用刀叉好斯文咁慢慢切開嚟食，若果想連包連蛋及牛肉一齊食嘅話，就一定食到成手油。杯咖啡係即磨，但弊在只供應白糖無啡糖，畀我嘅時候仲無奶或忌廉，要我之後發覺唔對路，問佢攞，先至畀一盒仔嘅咖啡伴侶嘅類似物體畀我。牛角包腍身，無牛油味，死罪一；鹹牛肉一堆油滲出嚟，死罪二；咖啡無啡糖，亦無淡奶或鮮奶（奶粉絕對絕對唔好飲），死罪三。結論：除非我失憶，否則呢隻菲律賓蜜蜂仔已經畀我black list咗。
早前畀蜜蜂仔嘅樓下有牛角包嘅banner 吸引，今日趁落雨上嚟試下，而我對鹹牛肉亦情有獨鍾，於是叫個鹹牛蛋配牛角包早晨，配咖啡，$37。
但大家有眼睇，望到個款已經毫無食慾可言，個包塌曬落去，好似隔夜麵包咁，個蛋啞色，個蛋下面嘅鹹牛肉就一絲絲，有啲洋蔥，但好油。
個包無餐紙包住，要食嘅話，一係用刀叉好斯文咁慢慢切開嚟食，若果想連包連蛋及牛肉一齊食嘅話，就一定食到成手油。
杯咖啡係即磨，但弊在只供應白糖無啡糖，畀我嘅時候仲無奶或忌廉，要我之後發覺唔對路，問佢攞，先至畀一盒仔嘅咖啡伴侶嘅類似物體畀我。
牛角包腍身，無牛油味，死罪一；
鹹牛肉一堆油滲出嚟，死罪二；
咖啡無啡糖，亦無淡奶或鮮奶（奶粉絕對絕對唔好飲），死罪三。
結論：除非我失憶，否則呢隻菲律賓蜜蜂仔已經畀我black list咗。
Post
