Video
Read full review
2020-07-17
172 views
早年興起上大陸食酸菜魚，依家唔上，唯有喺香港搵alternative。睇新聞介紹名廚Ricky開咗呢間餐廳，當中酸菜魚更係必吃之一。適逢為食隊友生日，就來一試究竟！唔知係咪有媒體加持嘅關係，温提各位即使平日夜晚都要訂位，再苦口婆心講一句，如果等得嘅，等個熱潮過咗先嚟啦⋯⋯😅😓（否則你要有*極優*的耐性）入座安排差我喺openrice訂咗20:45，早十分鐘來到已經有條龍（訂座專用㗎喇！）我排第六。職員出來話OpenRice個程式壞咗，所以要俾多啲時間入座，安撫大家話係有位嘅。其實全程大家都冇show過訂位info, 佢亦冇掂過任何電子儀器，根本就係入咗安排慢慢慢🤨！入座等左25分鐘😓walk-in 就話一個願打一個願捱，訂咗就感覺time management好差。招呼怠慢入座後等咗10分鐘，成張枱仍然係吉嘅。身邊侍應經過無數次，但冇人會留意到你。唔理三七廿一落咗個二人餐先，再問佢哋拎野。又用咗20分鐘上齊紙巾、筷子、杯同水壺。隨意更改菜單寫得食評都要介紹吓啲食物，而家做緊個會員及恒生信用卡二人餐， $288兩位，其實幾抵食㗎。冇恒生信用卡唔緊要，做會員都係留低個電話啫。前菜係「惹火山
唔知係咪有媒體加持嘅關係，温提各位即使平日夜晚都要訂位，再苦口婆心講一句，如果等得嘅，等個熱潮過咗先嚟啦⋯⋯😅😓（否則你要有*極優*的耐性）
入座安排差
我喺openrice訂咗20:45，早十分鐘來到已經有條龍（訂座專用㗎喇！）我排第六。職員出來話OpenRice個程式壞咗，所以要俾多啲時間入座，安撫大家話係有位嘅。其實全程大家都冇show過訂位info, 佢亦冇掂過任何電子儀器，根本就係入咗安排慢慢慢🤨！入座等左25分鐘😓walk-in 就話一個願打一個願捱，訂咗就感覺time management好差。
招呼怠慢
入座後等咗10分鐘，成張枱仍然係吉嘅。身邊侍應經過無數次，但冇人會留意到你。唔理三七廿一落咗個二人餐先，再問佢哋拎野。又用咗20分鐘上齊紙巾、筷子、杯同水壺。
隨意更改菜單
寫得食評都要介紹吓啲食物，而家做緊個會員及恒生信用卡二人餐， $288兩位，其實幾抵食㗎。冇恒生信用卡唔緊要，做會員都係留低個電話啫。
前菜係「惹火山木耳」及「川味口水雞」，第一啖食雲耳，辣到噴火！其實香港人唔係個個都食得咁辣，主菜就話有得揀辣度，前菜預先醃好冇得揀，仲整到咁辣真係有點不consumer friendly。唔好忘記，呢碟前菜來嘅時候係仲未有水㗎☝🏼😑 可能你話佢想逼你叫嘢飲，但隔離枱（同我哋一齊入座）一坐低已經叫咗一jar薏米水都未到，所以我都係慳返啲心機算。
惹火山木耳
8 views
0 likes
0 comments
另一款前菜係口水雞，首先雞嘅部位俾得唔錯，口水醬小辣帶酸，幾惹味醒胃。
川味口水雞
24 views
0 likes
0 comments
跟住嚟嘅係三款「特色菜品」之一既香芹豬肉水餃🥟。餡料不是豐富，味道也不突出。散叫一定不會考慮。🙅🏻♂️🙅🏻♀️
唯一想大家留意的是，二人餐「原來」只有兩隻餃子。在後期我哋（及好幾枱食客）問侍應小籠包仲未到時，侍應「通知式」答覆沒有小籠包，已由餃子代替。甚麼？！冇你唔同我哋講，就咁塞兩隻餃就算？（仲要唔係好食喎）這是尊重的問題，我去茶記叫個餐蛋飯，冇餐肉都會問你轉咩啦，如果就咁塞碟腿蛋飯叫你食，你會點諗？
香芹豬肉水餃
9 views
0 likes
0 comments
全城催單
食完餃子，終於有水飲（隔離枱jar薏米水仲未到🙈），但呢杯水就陪左我哋之後嘅20分鐘⋯⋯ 期間不斷聽食客催單，斜上方的一家三口催炒飯催左三次，refill水都催到要自己來；上方的情侶又話酸菜魚等左一個鐘；左方年輕人只吃了前菜和特式菜品，酸菜魚催到無望決定埋單；右方食客亦等到氣結要埋單（小菜、甜品、薏米水都未到），佢哋嬲點解到埋單一刻先告知冇薏米水🙄
講番40分鐘先到的酸菜魚（悄悄話：係同上方等左個幾鐘的情侶一齊上架🙊🙊 ），賣相係靚既👍 先喝一口湯，冇其他餐廳嗰種偏咸的味道（不過亦都唔係可以當湯飲），酸菜亦易入口（其他餐廳嘅酸菜都仲係好濃味），這店特意加了迷迭香，又有另一番香氣。魚片不像大陸般有一層透明芡保持完整及增加亮度，但也非常嫩滑及不會碎開。 湯裡有芽菜墊底，如果有粉條會更佳。 叫了兩碗白飯（$15），偏乾。
祥仔招牌酸菜魚
5 views
0 likes
0 comments
白飯
$15
8 views
0 likes
0 comments
就食完時，「特色菜品」之二既乾煸四季豆終於到喇！一咬落去，咦⋯⋯凍既？究竟煮完要攤幾耐先有呢個完全室溫效果？ 味道，係ok既，但從新鮮同衞生方面諗，有點兒⋯⋯🤢
乾煸四季豆
4 views
0 likes
0 comments
最後係黃金南瓜露。南瓜味就冇喇，咪埋眼當食冇西米的西米露啦（只有椰汁及冰糖味）。
黃金南瓜露
3 views
0 likes
0 comments
好，埋單，俾咗張卡就一去冇回頭。。。催咗幾次忍唔住走櫃檯，發現櫃檯成”橦”單要埋！而職員要逐個電話號碼核對定做會員手續，所以要搞咁耐！其實個會員制度又冇得儲分，餐廳仲要花咁多resources 去對電話，搞到d客由入座等到埋單😤😤⋯⋯
講到呢度，完全感覺到呢間餐廳真係好有問題🤨⋯⋯初初以為廚房唔夠人，搞到侍應/傳菜員都無能為力，連交枱入座都受影響，但其實set枱放menu、斟茶遞水、吧枱、裝飯嗰d佢哋都可以做㗎，都係要三催四請🤦🏾♂️🤦🏻♀️ 連埋單都要花咁多時間對電話！冇食材自把自為塞你食其他更不在話下！。。。
一句講晒，骨牌效應，完全失敗。
Post
