Video
Read full review
2013-04-28
877 views
事先聲明我是經過深思熟慮再加少少膽博膽的心態去訂位食自助午餐, 當時三月尾都未有update的食評, 再者知道午餐價錢是每位一百元也不用(折扣後), 深明一分錢一分貨的道理, 生怕自助餐就只供應咖喱魚蛋、炒粉麵飯等款式, 雖然自助餐主題是烤肉蠔情, 店方會否就價錢來使出「空盆計」!!?? 不過餐廳在2012年贏得法國藍帶粵港澳美食推介餐廳喎~ 好! 就博一次, 最多瀨嘢就無下次在官網可下載優惠券得到額外5%折扣餐廳是呈長方形, buffet bar table就放在路中央, 進餐位置有分梳化位或普通餐檯椅位, 近buffet table 的我們就顯得幾逼, 因為前後左右檯都排得密集, 眾所皆知食自助餐就是要走來走去, 每次行出行入都要講「唔該借借」, 實在太不方便；莫說傾密偈要私隱度 沙律、冷麵等冷盤小食在燒牛肉部及生滾粥品部都是同一個廚師負責, 想叫粥可先在前方附有的剔剔紙裏剔出想要的生料, 等一會兒便可以回頭領取；至於燒牛肉...第一次就熟得滯, 越嚼越有肉味...等下輪見到有新「肉」上市, 我就等到件燒牛肉被配給到一斷時間才上前去領取, 結果得出品令我滿意 是血紅色的, 血與
在官網可下載優惠券得到額外5%折扣餐廳是呈長方形, buffet bar table就放在路中央, 進餐位置有分梳化位或普通餐檯椅位, 近buffet table 的我們就顯得幾逼, 因為前後左右檯都排得密集, 眾所皆知食自助餐就是要走來走去, 每次行出行入都要講「唔該借借」, 實在太不方便；莫說傾密偈要私隱度
沙律、冷麵等冷盤小食
在燒牛肉部及生滾粥品部都是同一個廚師負責, 想叫粥可先在前方附有的剔剔紙裏剔出想要的生料, 等一會兒便可以回頭領取；至於燒牛肉...第一次就熟得滯, 越嚼越有肉味...
等下輪見到有新「肉」上市, 我就等到件燒牛肉被配給到一斷時間才上前去領取, 結果得出品令我滿意 是血紅色的, 血與肉汁融為一體, 肉質軟嫩, 好味!剛巧我們的檯位置就是生蠔位, 不過就唔代表「近廚得食」, 因為...
餐廳選用美國生蠔, 肉質creamy, 蠔味及海水味都屬淡, 好easy-going；臨buffet開始廚師才把生蠔拿出來, 大家見到生蠔排得幾好, 可惜只得今次機會, 因為一眾餓狼正在虎視眈眈, 當侍應生向每檯食客講開始時, 總會有人快搶攻, 食物夾一夾就夾走半打, 還未計等唔耐煩的食客用手攪掂, 因此縱使我們坐近蠔位都唔會夠頭一兩個食客搶, 幸好廚師補貨快, 一從廚房門捧出, 蠔不必排, 原碟放底也可立刻消失晒
忽然廚師捧來一碟壽司, 竟然沒有太多人搶!! 魚肉肥美, 醋飯的酸度適中, 飯糰軟糯, 不會痴牙, 入口轉兩轉便會散開, 沒想過廚師在控制飯成糰時拿捏的力度很好！沒有客人搶食...你們走漏眼了
印尼峇里蛋, 主要食個醬汁, 雞蛋好乾；牛脷火腿啫喱批, 配搭特別。
(上至下)星洲鹹魚仔椰香飯, 飯就真係食到有椰子味, 應該有用椰汁一起煲；紅酒燉牛肉及 綠咖喱雞柳, 好辣；(左) 森巴汁三文魚頭腩, 炸得香酥脆而森巴汁辣得來有蝦米香兼帶少許甜、(右) 日本關東煮, 至少魚蛋魚餅並非粉多過肉, 有質感；(左) 碧綠麒麟豆腐, 布包豆腐的豆味濃, 不是一味靠滑而失去了豆腐的靈魂, 讚! (右) 豉椒鳳肉炒涼瓜, 好少酒店自助餐會推涼瓜, 我只食過件雞, 是沒有被鬆肉粉過的雞肶肉, 豉椒炒過的雞肶肉好惹味, 不會太鹹搶走豆豉香。飲品只有熱飲(咖啡、奶茶、檸茶、檸水) 是任飲的, 據聞晚餐才會有果汁及成年客人免費啤酒任飲。
全餐廳我最喜歡這部咖啡機電子屏幕顯示可供應的咖啡種類, 熱牛奶都可以飲只要按製便可
排隊等廚師即製班戟, 可選葡萄乾、罐頭雜果裏有加新鮮藍莓、杏仁片、鮮忌廉做餡。
還有多款精美甜品如美式芝士餅、焦糖玫瑰花慕絲餅、咖啡白朱古力海綿蛋糕、特濃牛乳紅豆布甸、瑞士卷蛋、黑芝麻椰汁西米糕、洛神花海藻果凍、麥米紅糖大菜糕、鮮果啫喱、雜錦慕絲、楊枝甘露、法式焦糖燉蛋等等...嘩! 好滋味!
總數$194.40, 真是每人$100也不用
Other Info. :
侍應生及廚師都非常忙碌, 收碟倒水又快又有禮貌, 廚師就一眼關七, 很少機會會有空盤子出現, 食物烹調手勢也不差, 至少肉就是實肉, 無鬆肉粉過, 抵讚!
我們一定會再回來的!
(The above review is the personal opinion of a user which does not represent OpenRice's point of view.)
Post
