Read full review
2017-04-13
681 views
見過食評話呢間野服務差,但我不嬲都唔信食評,反而信朋友介紹,我朋友話呢度野食水準高,特別係啤酒好飲,咁我就試試啦!1. 講環境有個音響舞台,每晚有現場樂手唱下歌,唔嘈木結他setting,主要廣東歌,全場滿座,特別歌手唱生日歌時,全場客人都會一齊拍手送祝福俾壽星仔,生日果個應該幾開心。座位唔算寬敞,但係氣氛好,咩都值。2. 講食物一個字:正!估唔到旺角有呢種質素餐廳,價錢唔算平,但質素絕對值回票價,對食物有要求又唔想去酒店食,呢度野食應該滿足到你!我地order了-芝士龍蝦,芝士好香,龍蝦肉算多,但食完好想叫多份-豬肋骨,有兩種味揀,我地揀左雙拼,食晒兩隻味,個人比較喜歡原味-啤酒青口,個汁煮得唔錯,好濃味,唔太咸,睇過之前食評話青口細隻,我想平反一下,藍青口係細隻但肥的,我諗有部份人思想停留係大大隻果種青口度,大隻反而係cheap野,大家要長長知識了。-芝士飛魚籽煙三文魚沙律,好好味,有和風感覺,仲有好多煙三文魚,一d都唔慳料。3. 講飲品有好多款手工啤、cocktail揀。起初以為女仔通常鐘意飲cocktail,但呢度9成女仔都係飲啤酒,一望原來有水果味手工啤,唔怪得女仔鐘意,而我
1. 講環境
有個音響舞台,每晚有現場樂手唱下歌,唔嘈木結他setting,主要廣東歌,全場滿座,特別歌手唱生日歌時,全場客人都會一齊拍手送祝福俾壽星仔,生日果個應該幾開心。座位唔算寬敞,但係氣氛好,咩都值。
2. 講食物
一個字:正!估唔到旺角有呢種質素餐廳,價錢唔算平,但質素絕對值回票價,對食物有要求又唔想去酒店食,呢度野食應該滿足到你!
我地order了
-芝士龍蝦,芝士好香,龍蝦肉算多,但食完好想叫多份
-豬肋骨,有兩種味揀,我地揀左雙拼,食晒兩隻味,個人比較喜歡原味
-啤酒青口,個汁煮得唔錯,好濃味,唔太咸,睇過之前食評話青口細隻,我想平反一下,藍青口係細隻但肥的,我諗有部份人思想停留係大大隻果種青口度,大隻反而係cheap野,大家要長長知識了。
-芝士飛魚籽煙三文魚沙律,好好味,有和風感覺,仲有好多煙三文魚,一d都唔慳料。
3. 講飲品
有好多款手工啤、cocktail揀。起初以為女仔通常鐘意飲cocktail,但呢度9成女仔都係飲啤酒,一望原來有水果味手工啤,唔怪得女仔鐘意,而我堂堂男子漢,當然要飲黑啤,呢度既黑啤味道好濃厚,出面街未飲過!
4. 講服務
全場座滿,你舉手叫人要有技巧,首先要同侍應來個眼神接觸,然後先舉高手,命中率百份百。服務態度良好,會問下客人意見,笑容親切。
Post