Video
Read full review
2017-04-20
636 views
魚生飯大熱其道，今次食tst新開既店。環境幾靚配以日本音樂。Moshi雜錦盛丼有三文魚，蟹腳及蟹肉，三文魚子，海膽，魚生飯熱愛者之選，基本上乜都有，飯唔算多，但料多，特別蟹！蟹腳有2條仲要去殻，一口都係肉，之後蟹肉折好哂，配飯好甜同清。少少蟹汁不算多，但係一口口蟹肉配飯好和味。之後食重味既海膽，唔腥同甜甘味，份量中等，所以唔會食到好滯。三文魚同三文魚子配飯幾油，但爆下爆下兩個人好快清哂d飯。壽司set B內有8大件壽司。火炙帆立貝好大粒，一開二。燒完就海鮮味重好多，濃味過平時食刺身。火炙三文魚同火炙魚背都係燒到半熟咁，比刺身實口感點。魚背比三文魚淡味，fresh點但有魚味。火炙吞拿魚魚肉就散點，但咬落淋一同魚香都算重。火炙蟹棒都幾大條，燒一燒覺得有d甜？！火炙池魚薄身同滑，食落香脆。玉子大件香配飯林林地好香甜。豚肉蘆筍串份量中等，筍細細舊，可以一口咬但我地無。豚肉無雪味，肥肉唔多加埋筍就比較清新。大三文魚頭配檸檬 青檸中和成大舊魚油！ 豉油 蘿蔔就係我地食到好多魚油時點下無咁油。粉紅色日本食鹽就無乜食，因為三文魚頭已經好夠味，唔需要加感。整個三文魚油肉好厚帶油，好食仲要有勁多肉。鮟鱇魚
Moshi雜錦盛丼有三文魚，蟹腳及蟹肉，三文魚子，海膽，魚生飯熱愛者之選，基本上乜都有，飯唔算多，但料多，特別蟹！蟹腳有2條仲要去殻，一口都係肉，之後蟹肉折好哂，配飯好甜同清。少少蟹汁不算多，但係一口口蟹肉配飯好和味。之後食重味既海膽，唔腥同甜甘味，份量中等，所以唔會食到好滯。三文魚同三文魚子配飯幾油，但爆下爆下兩個人好快清哂d飯。
壽司set B內有8大件壽司。火炙帆立貝好大粒，一開二。燒完就海鮮味重好多，濃味過平時食刺身。
火炙三文魚同火炙魚背都係燒到半熟咁，比刺身實口感點。魚背比三文魚淡味，fresh點但有魚味。
火炙吞拿魚魚肉就散點，但咬落淋一同魚香都算重。火炙蟹棒都幾大條，燒一燒覺得有d甜？！
火炙池魚薄身同滑，食落香脆。玉子大件香配飯林林地好香甜。
豚肉蘆筍串份量中等，筍細細舊，可以一口咬但我地無。豚肉無雪味，肥肉唔多加埋筍就比較清新。
大三文魚頭配檸檬 青檸中和成大舊魚油！
豉油 蘿蔔就係我地食到好多魚油時點下無咁油。粉紅色日本食鹽就無乜食，因為三文魚頭已經好夠味，唔需要加感。整個三文魚油肉好厚帶油，好食仲要有勁多肉。
鮟鱇魚肝好香味，口感硬帶軟實，係口勁耐都仲有味。感覺又似豬肝同似鵝肝，但有沙津菜配菜無咁油。4舊好飽肚。
軟殼蟹沙律卷外軟內脆，沙津菜多而又食到軟殼蟹，依度蟹食不錯！食落不算熱氣。
最後飲杯荔枝玫瑰蘇打，好fresh又大粒肉荔枝，玫瑰味都好出，一開始無溝好仲以為無味。
Post
