活一鮮 (Closed)

想喺港島區搵一間好味，唔需要靚景，而又唔太貴嘅日本野，淨係想坐低傾吓計嘅朋友，絕對值得黎呢到一試。呢間活一線喺北角英皇道轉入去嘅一條橫街，唔係太起眼，所以唔係太多人。雖然間鋪比較細，但都唔會太嘈要大聲傾計，我地果晚仲坐足兩個半鐘。（註：呢到個洗手間就比較😕）我哋叫咗四個前菜：（1）清酒煮蜆清酒煮蜆未到偏淡，冇乜特別（2）黑松露玉子燒玉子燒就好重黑松露味，但我覺得重到有啲漏，明太子玉子燒應該會夾啲（3）炸雞軟骨幾好食！炸粉唔會太厚，不過呢個難啲整得唔好XD（4）明太子燒雞翼入邊啲明太子唔係好夠香，味道較淡，所以都麻麻地。不過隻雞翼本身好juicy，如果配照燒汁食應該會唔錯！到咗主菜啦！！！主菜我哋分別叫咗：（1）牛油果軟殼蟹卷個卷好好食！牛油果夠香軟，配埋脆卜卜炸軟殼蟹好好食！（2）雜錦壽司啲壽司飯夠黏，唔會太大舊，上面塊刺身大多數都好肥美新鮮，好食😝（3）油甘魚腩刺身超好味😋😋😋咬落淡淡魚油香，好厚切又肥美🤤（4）海膽刺身海膽配埋紫菜一齊上，啲紫菜好脆，海膽顏色好有光澤好有鮮味😍最後甜品我哋每人叫咗一個雪葩，分別試左柚子味、蘋果味同埋桃味！一初我未食我朋友個柚子味嘅時候，我覺得桃味已經