Nutmad (Moved) New Location

特意Book左位黎試【Nutmad】，建議預先訂位，節省左唔少排隊時間，被安排了Bar枱位置，可以清楚見到煮食過程，胃口大開。《煙燻豬豬卡邦尼 $108》芝士脆片/豬面肉/煙腩片/意大利煙肉有別於一般的Carbonara，呢度既醬汁不含忌廉，由生雞蛋同芝士調配蛋汁，做到杰身而唔會太膩的感覺，少左d蛋香味就真既。意粉彈牙有咬口，配搭重咸香味的豬面肉、芝士脆片，不過caramelized的煙腩粒有d過甜，令到成碟意粉半咸半甜，個人比較喜歡重咸香版本，如果想試到不一樣的Carbonara，呢個或者會岩你胃口。《慢煮伊比亞黑毛豬 $188》賣相精緻，薯仔及小甘筍伴碟，將伊比亞黑毛豬慢煮半小時，再搽上蜂蠟，肉質多汁嫩滑，肉味濃郁，黑毛豬同脂肪分佈比例平均，配上特製的西柚辣椒醬汁，中和一下油膩感。