Oasis Bar & Grill (Closed)

諾士佛臺除咗飲嘢，仲有呢間寛敞而且喺同一空間做到裝修風格各異嘅餐廳。踏入門口係型格嘅暗黑feel，再入啲有自然風嘅鳥籠座位，甚具特色，食物亦具水準。𖦹 炭烤西班牙栗飼豬胺伴時令蔬菜 焦糖蘋果蓉 $288豬胺烤得恰到好處，唔會過乾或硬，依然有肉汁，配上甜甜嘅焦糖蘋果蓉，兩者一鹹一甜，竟出奇地合襯。𖦹 酥炸原隻軟殼蟹蟹肉蟹膏意大利飯 $228軟殼蟹份量十足，酥脆可口，意大利飯吸盡蟹嘅鮮味，伴勻蟹肉同埋蟹膏，滋味無窮。𖦹 荷蘭鐵鍋班戟配焦糖香蕉、朱古力醬及雲呢拿雪糕 $98以原隻鐵鍋上碟，令班戟keep住熱，蛋香四溢、鬆軟，配上香甜脆口嘅焦糖香蕉，非常不錯。唯一係雲呢拿雪糕味道比較似奶粉，我自己麻麻地。𖦹 peach ice tea $88以白桃蓉、檸檬汁、紅莓汁等製成嘅mocktail清新怡人，飲落好似杏脯味。