Ocio (煙廠街) (Closed)

第一次嬲到要寫食評，希望大家唔好步我中伏嘅後塵。星期日下午茶時間見到呢間有刨冰食就入去試下，點知食到一肚氣。我地兩個人，入座之後店員提醒用餐時間係一小時。叫左個抹茶紅豆窩夫tea set, 見跟餐飲品唔太吸引，就補$15轉左芒果沙冰。窩夫正常，但沙冰淡貿貿得少少糖水味 (忘記左影相，不過同其他食評影嘅一樣樣)個玫龍蜜瓜沙冰簡直垃圾，幾粒蜜瓜又唔甜，得螢光綠色死甜糖漿，啲冰仲要硬到結成一大舊。最初都勉強可以用叉督開嘅，食到後來係同雪櫃拎一舊大冰出黎冇分別。同負責人講啦，佢仲要話係”正常化學現象”，食物冇問題，講講下又話如果食唔到就幫我地整融佢，食刨冰等佢融左先食真係第一次。嗰位負責人全程態度非常差，不斷重複話係正常化學現象，又話未試過有人投訴，雖然最後都係免左個冰嘅錢，但係經歷十分不愉快，一定冇下次幫襯。