Video
Read full review
2017-05-19
297 views
朋友是明太子控，發現一間以明太子為主題嘅日本餐廳，佢就話: 「乜原來咁多人都鍾意食明太子架咩? 乜咁大需求架咩? 竟然要開一間專門店?咁多人同我志同道合架?!。陪我去食啦，我請！」而我呢，都唔明點解佢咁鍾意食明太子，少少鮮味，多多鹹味，同埋少少辣味囉。間餐廳位於永光商業大廈Circle Plaza，大廈門口有個大電視，都好易認。因為朋友夜收工，就如大電視字幕咁講: 我很餓了!原來呢度係一間日本公司，想大力推廣明太子而開設嘅一間餐廳! 因為餐廳叫鱈卵屋，我先知原來明太子係辣味嘅鱈魚子咁解!呢度嘅明太子係博多直送，夠晒正宗。知道係日本食物，食得特別放心。枱上面有枝調味料，原來係明太子風味嘅TABASCO，明太子味、酸味同辣味作於一身。朋友話味道幾正，我食野就鍾意原汁原味，所以冇試到。薄餅、意粉、肉類料理，其實乜都可以落。一枝$68，堂食可以任用，店方都好大方。如果啱食，店內仲有好多明太子食品都可以買走返屋企慢慢歎。今晚明太子迷負責點菜，我負責幫口食。燒明太子漬之三文魚鰭腩 - 有三件，嫩滑肥美嘅三文魚鰭腩，燒得皮脆內嫩，一入口就湧出啖啖魚油，仲有明太子嘅鹹香味，好夾!牡蠣明太子奶油鍋
而我呢，都唔明點解佢咁鍾意食明太子，少少鮮味，多多鹹味，同埋少少辣味囉。
間餐廳位於永光商業大廈Circle Plaza，大廈門口有個大電視，都好易認。因為朋友夜收工，就如大電視字幕咁講: 我很餓了!
原來呢度係一間日本公司，想大力推廣明太子而開設嘅一間餐廳! 因為餐廳叫鱈卵屋，我先知原來明太子係辣味嘅鱈魚子咁解!
呢度嘅明太子係博多直送，夠晒正宗。知道係日本食物，食得特別放心。
枱上面有枝調味料，原來係明太子風味嘅TABASCO，明太子味、酸味同辣味作於一身。朋友話味道幾正，我食野就鍾意原汁原味，所以冇試到。
薄餅、意粉、肉類料理，其實乜都可以落。
一枝$68，堂食可以任用，店方都好大方。
如果啱食，店內仲有好多明太子食品都可以買走返屋企慢慢歎。今晚明太子迷負責點菜，我負責幫口食。燒明太子漬之三文魚鰭腩 - 有三件，嫩滑肥美嘅三文魚鰭腩，燒得皮脆內嫩，一入口就湧出啖啖魚油，仲有明太子嘅鹹香味，好夾!
燒明太子漬之三文魚鰭腩
$48
7 views
0 likes
0 comments
牡蠣明太子奶油鍋 - 食到中段，見每位枱都有呢個鍋。再睇一次個餐牌，都搵唔到喎。原來個鍋嘅餐牌喺飲品放題個餐牌後面，好易睇漏眼:
呢個係必點，個湯底好綿滑，一大舊明太子溶晒落個湯度，仲要用火滾住，熱辣辣好好飲。
牡蠣明太子奶油鍋
$148
5 views
0 likes
0 comments
稻庭風烏冬
$25
2 views
0 likes
0 comments
極上明太子雙拼 - 左邊係燒明太子，右邊係原味。顏色鮮紅，口感非常幼滑細嫩，魚子喺舌尖散開，我較喜歡燒明太子，魚子嘅鹹香同鮮味，醃料嘅辛辣味再加上燒過嘅焦香味，味道層次豐富。如果可以加一碗白飯就更正。
極上明太子雙拼
2 views
0 likes
0 comments
炸竹輪魚蛋明太子 - 獅子狗入面釀滿明太子，真係落重料，一口一件，太滋味。
炸竹輪魚蛋明太子
$68
2 views
0 likes
0 comments
鱈卵甜品拼盤 - 一碟有齊晒極品蕃薯、軟滑朱古力的心太軟、班戟同雪糕，對我黎講，完全係大滿足。
鱈卵甜品拼盤
$99
2 views
0 likes
0 comments
軟滑朱古力的心太軟 - 濃濃朱古力香味，流晒心。但略嫌太細個，大個啲就好。心太軟係我嘅至愛，我一人都可以食到幾個
班戟 - 好迷你，中間有少少糖漿，一啖食晒先夠痛快
極品蕃薯 - 呢個要推介，好少食得到。日本制造，堂食就$38一件，外賣呢就$150一盒有五件，可以買返屋企慢慢歎，或者送俾人都唔錯。
香濃蕃薯美味，入口軟滑厚實有質感，甜而不膩，幾好味。 
隔黎枱係日本人，仲叫到成枱野食。日本人都黎食，證明真係有水準，同埋啲店員係可以用流利日文溝通，好專業又有禮貌，抵讚。
估唔到明太子都可以做到咁多料理，配乜都得，真係百搭百變有創意，Oishii。臨走時朋友仲掃左好多明太子產品返屋企，佢話好開心，好啱口味。佢話平時就算去日本超市都冇乜明太子產品，今次難得一遇，要狂掃。佢話零食就自己食，其他食材就交俾阿媽創作，真孝順 其實知道呢度有得賣，食完下次咪再黎入貨囉，太瘋狂「鳥」。朋友即刻反駁:「別人笑我太瘋癲，我笑他人看不穿!」
後記: 朋友都送左支鱈卵明太福粒俾我，日本製造
用黎整左個明太子蝦子麵，哈哈，出奇地好食想食個麵做宵夜，又冇餸，咁整都幾鮮味丫，又唔駛咁HEAVY，唔錯唔錯~~
Post
