Video
Read full review
2020-06-21
440 views
油地，銅鑼灣、灣仔、好多間都食過。茶餐廳環境，比較逼。食午飯時間好爆，要排隊，但起菜時間算快，外賣堂食坐到都唔算耐。好快有得食。食左十年，雞扒味水準平穩，鍾意香口既人會喜愛，偶然偏燶。個人認為加左辣粉好正。希望間間分店都提供就好。另外有個蓮藕餅，炸物類，好多人都喜歡，我個人認為都ok, 但有次食到膠粒，應該係廚房跌左入去。食左幾十次先一次，唔挑剔喇。啲伴碟炸菜 、蔥油、未必個個鍾意。我個人好怕蔥油啲油，如果多啲配汁選擇更好。飯份量適中，OL好夠食，地盤佬就差啲。踢完波一定唔夠飽，但平時午飯就岩岩好。飲品質素一般，屬於失分位，茶味無乜，咖啡又無乜味。有時有湯選，出奇地可接受，比一般茶餐廳例湯好飲。最記得有一次有胡椒豬肚湯味道十分之唔錯咁既價錢 , 普通一餐，絕對值得推介。所以一般好多人排隊，食完要比起身走。唔好諗慢慢坐....（點寫到200字？....你問我返工時間中午無位，求奇一餐，絕對不錯！但如果唔想熱氣，一星期食一次已經盡哂。乾塘 無野想寫。小弟第一次寫，多謝大家睇晒。有啲乜寫得唔好希望多多包涵，多謝大家支持希望嚟緊會為大家寫得更多食評。因為唔再識得點樣用文字去表達所以用下面有啲範
茶餐廳環境，比較逼。食午飯時間好爆，要排隊，但起菜時間算快，外賣堂食坐到都唔算耐。好快有得食。
食左十年，雞扒味水準平穩，鍾意香口既人會喜愛，偶然偏燶。個人認為加左辣粉好正。希望間間分店都提供就好。
另外有個蓮藕餅，炸物類，好多人都喜歡，我個人認為都ok, 但有次食到膠粒，應該係廚房跌左入去。食左幾十次先一次，唔挑剔喇。
啲伴碟炸菜 、蔥油、未必個個鍾意。我個人好怕蔥油啲油，如果多啲配汁選擇更好。
飯份量適中，OL好夠食，地盤佬就差啲。
踢完波一定唔夠飽，但平時午飯就岩岩好。
飲品質素一般，屬於失分位，茶味無乜，咖啡又無乜味。有時有湯選，出奇地可接受，比一般茶餐廳例湯好飲。最記得有一次有胡椒豬肚湯味道十分之唔錯
咁既價錢 , 普通一餐，絕對值得推介。
所以一般好多人排隊，食完要比起身走。
唔好諗慢慢坐....
（點寫到200字？....你問我返工時間中午無位，求奇一餐，絕對不錯！但如果唔想熱氣，一星期食一次已經盡哂。乾塘 無野想寫。小弟第一次寫，多謝大家睇晒。有啲乜寫得唔好希望多多包涵，多謝大家支持希望嚟緊會為大家寫得更多食評。因為唔再識得點樣用文字去表達所以用下面有啲範疇嘅評分希望等大家容易啲明白，如果大家對我嘅食評有任何意見歡迎都可以話俾我知
價錢 9/10
雞扒 7/10
蓮藕餅 6/10
飲品 2/10
方便 9/10
服務 4/10
環境 4/10
整體 7/10
Post