海睿日本料理 (Closed)

放假食lunch，諗住試下新嘢，聽個名好好聽叫海唔知乜，深到我唔識讀，點知就係咁就中左伏🥲叫左個刺身飯同吉列豬扒咖喱飯刺身飯有:半條海膽，深啡色，size係手指公第一節嘅一半，有少少明礬苦味幼咩咩連蝦頭甜蝦乙條，無乜味薄切帶子兩片，好似食緊一舊無味嘅膠咁一茶匙份量嘅三文魚子，懷疑係浸過糖水，甜到以為食緊糖鋪左成碗嘅蟹柳碎仲有一堆沙律菜，我心諗呢個係咪西餐，點解會有沙律菜撈飯，不過呢d叫 fusion西日菜，去日式餐廳食到西味，有賺夠突啦大廚好貼心，d飯落左更多醋，每啖飯都酸過super lemon嗰隻糖，食完一啖飯要飲返兩三啖水，啱晒我呢d成日飲唔夠水嘅人，食完個飯後，即刻覺得成個人健康左，精神左，人都靚左吉列豬扒咖喱飯:都係嗰d一包包嚟貨嘅咖喱，濃郁味精經過大廚精心料理，自己屋企真係無辦法煮到呢個味道塊豬扒懷疑做過乾式熟成，封乾過七七四十九年再上粉炸，如果要食出面d西班牙火腿，起碼要幾千蚊，呢度都係幾條嘢就食到，性價比一流白飯用上我國絲苗米，去日式餐廳食飯，如果期望食到日本珍珠米真係唔make sense，喺香港食飯，梗係要食返祖國嘅米先有家嘅感覺架嘛🥰最後嗰飯食到一半，店員就送上雪