Video
Read full review
2023-11-14
2028 views
港島區最豪華嘅地方，相信會諗到中環，唔單止買嗰方面會最晒世界上嘅名牌，食嗰方面更加係充滿咗藝術與色彩，😚進入咗食嘅世界就會忘記咗凡塵間嘅壓力，講起食嘅藝術，相信日本omakase絕對可以迷倒唔少嘅食客，🥰當然選擇就有好多間，但係有一間呢就做到同客人最close嘅接觸，而且體現到日式嘅禮儀， 今次就要推介NAGAMOTO 長本。 😏一切嘅餐牌都係由NAGAMOTO 大廚精心研發每一道菜都蘊含住珍貴嘅意義😋先付— 🍊炙燒帆立貝配舞茸，魚子醬及指橙粒— 開始嘅第一道菜就已經別具藝術魅力，🍊原隻炙燒帆立貝一開二，然之後每一邊上面就放上非常充滿海水鮮味嘅魚子醬，🌊最上面就係指橙粒用嚟帶出少少酸甜味，更加可以激發咗帆立貝嘅鮮甜，一啖落去就好似食咗黃金一樣，🍊海洋嘅珍饈百味融合埋一齊，旁邊嘅菠菜絲亦都可以好好咁樣為每一啖帶嚟清新嘅效果🥬煮物碗— 🍲鹽烤甘鯛魚配小蕪— 有一個咁好嘅開始接落嚟就係暖笠笠嘅煮物碗，一邊睇住師傅喺度煮嘅小蕪頭啖湯，🍲就好似蘿蔔一樣，但係最大分別就係更加爽脆同埋水份極飽滿，煮完嘅頭啖湯係零舍鮮味，🍲而且只會飲到清新嘅小蕪原汁，思源頭啖湯之後就會再加埋鮮甘鯛魚同埋柚子皮一齊奉上
先付— 🍊炙燒帆立貝配舞茸，魚子醬及指橙粒— 開始嘅第一道菜就已經別具藝術魅力，🍊原隻炙燒帆立貝一開二，然之後每一邊上面就放上非常充滿海水鮮味嘅魚子醬，🌊最上面就係指橙粒用嚟帶出少少酸甜味，更加可以激發咗帆立貝嘅鮮甜，一啖落去就好似食咗黃金一樣，🍊海洋嘅珍饈百味融合埋一齊，旁邊嘅菠菜絲亦都可以好好咁樣為每一啖帶嚟清新嘅效果🥬
炙燒帆立貝配舞茸，魚子醬及指橙粒
52 views
0 likes
0 comments
煮物碗— 🍲鹽烤甘鯛魚配小蕪— 有一個咁好嘅開始接落嚟就係暖笠笠嘅煮物碗，一邊睇住師傅喺度煮嘅小蕪頭啖湯，🍲就好似蘿蔔一樣，但係最大分別就係更加爽脆同埋水份極飽滿，煮完嘅頭啖湯係零舍鮮味，🍲而且只會飲到清新嘅小蕪原汁，思源頭啖湯之後就會再加埋鮮甘鯛魚同埋柚子皮一齊奉上，🍲配合鯛魚喺湯裏面就多出一種油香， 魚肉非常嘅鮮白，🐟喺口裏面慢慢就會散發出魚油香之後就有啲啲回甘，非常暖口，如果係冬天嘅話，直頭係神來之湯🐟
鹽烤甘鯛魚配小蕪
37 views
0 likes
0 comments
鹽烤甘鯛魚配小蕪
25 views
0 likes
0 comments
造里1，2– 本日刺身— 🍣嚟到一個精彩嘅環節就係刺身，本日推介就係金目鯛同埋真鯛，另外一碗就係多切魷魚配北海道海膽。 🍣金目鯛同埋真鯛，雖然大家品種差唔多， 但食落去反而就有兩種唔同嘅演繹。 🐟金目鯛整體顏色偏深紅色，而且魚皮可以明顯見到帶有鱗狀，肉身比較結實，但係有微微嘅筋，但肉味偏濃。🐟至於真鯛就冇咗一層魚皮顏色較為潔白，上面抹有一層嘅粉嫩紅色，🐟食落去較為軟滑微微嘅鮮甜，可以配合買柚子醬油咁就帶出更多層次嘅鮮甜🥢
本日刺身
21 views
0 likes
0 comments
本日刺身
23 views
0 likes
0 comments
至於魷魚同埋海膽更加係令人大滿足嘅一道刺身，🦑魷魚經過多刀嘅切，最大嘅好處就係食落去，唔會有魷魚嘅韌度，🦑每一啖都好輕易咁樣咬得開，當然最佳食法就係配合埋北海道海膽嘅濃香奶油味二合為一就好似置身於海洋一樣食出最純撲嘅原味🦑
強肴— 🥩壽喜燒涮和牛配鵪鶉蛋—嚟到一度比較濃味嘅菜式，講起日本除咗刺身壽司之外，🥩當然每個人都會想起油脂感爆棚嘅和牛。而呢一次師傅就準備咗壽喜燒涮和牛，🥩壽喜燒嘅湯底呈現淡淡的咖啡色，每一塊和牛雪花狀都好強烈咁樣散發出嚟，🥩喺湯底裏面溫和咁樣片一片，大約係五至七成熟嘅時候鬧起身就會見到肉身淺啡中透粉紅，呢個時候嘅和牛肉係最鮮嫩最有油脂感，🥩配合埋流心鵪鶉蛋一齊享用就更加濃郁，🥚和牛一樣喺口裏面停留一陣就會有源源不絕嘅和牛油香散發出，越咬越有肉香🥩
壽喜燒涮和牛配鵪鶉蛋
19 views
0 likes
0 comments
壽喜燒涮和牛配鵪鶉蛋
16 views
0 likes
0 comments
箸休— 🍄日本松茸背涼拌菊菜— 前面咁多道菜，每一款都非常震撼，來一個清新嘅環節，中和一下味蕾。🥬呢一款松茸經過美味嘅燒完之後帶出叢林嘅香氣，肉身都係非常之雪白，🍄味道本身都已經好飽滿嘅多汁，旁邊嘅涼拌菜冰冰涼涼，而且有少少酸味，非常吸引胃口，更加可以激發出食慾🥬
日本松茸背涼拌菊菜
8 views
0 likes
0 comments
鉢物— 🍤油炸胡蘿蔔魚糜及菊葉天婦羅配菱蟹𡙡— 呢一款咁特別嘅鉢物看似簡單，但係實質用料非凡，綠色嗰一塊就係天婦羅菊葉，薄薄地，🌼但係味道出奇地有一種淡淡嘅草香。至於原形，好似炸南瓜咁嘅外表其實裏面就係魚糜，🎃即係手打魚肉，食落去就唔似魚蛋一樣咁彈牙，但係裏面淡淡都係充滿鮮甜嘅魚肉蓉，🐟再加埋啲胡蘿蔔粒帶出少少爽脆，整體感覺同南瓜嘅質地差唔多，不過裏面嘅魚香亦都令人非常食指大動，底部嘅鮮拆菱蟹肉𡙡更加係清甜，🦀一絲絲嘅蟹肉清晰可見再加埋少少金針菇令到湯更更加濃稠🦀
油炸胡蘿蔔魚糜
7 views
0 likes
0 comments
食事— 🍜穴子蒸壽司及菇菌稻庭烏冬— 輪到主食嘅環節，第一款嘅係穴子蒸壽司，🍣睇落去好有港式嘅珍珠雞感覺，都係採用咗同樣嘅原理，就係透過荷葉包住珍珠米同埋穴子，🍣透過精嘅過程將荷葉嘅淡香滲透落去食材裏面，所以一打開就會聞到好香嘅米香荷葉香同埋穴子香，🥢喺日本菜式裏面亦都罕有咁樣出現，第一啖落去珍珠米偏向濕潤同埋軟身啲，🥢加入咗蛋絲同埋豆角提香。至於蒸完嘅穴子零舍絲滑，🥚平時我哋食開冰涼嘅壽司而呢一款熱呼呼嘅壽司就係我第一次嘗試，而且可以完美咁樣食出食材嘅原汁原味。🥰
穴子蒸壽司
7 views
0 likes
0 comments
另外個稻庭烏冬亦都唔簡單，手打嘅烏冬係零舍煙煙韌韌，🍜同樣加入菇菌同埋香蔥令到個湯頭亦都好鮮甜，可以盡情大大聲嗦烏冬，🍜表示一下味道非常突出，而且享用得零舍享受😋
菇菌稻庭烏冬
8 views
0 likes
0 comments
NAGAMOTO長本 (中環)
中環安蘭街18號8樓
Post
