雲壽司 (Closed)

成日見到啲相都係一板板壽司就好吸引，所以決定要去試下。😋特上壽司拼盤拼盤包咗沙律、麵豉湯同埋10件壽司，包咗吞拿魚腩、深海池魚、牲丹蝦、赤貝、海膽、三文魚籽、火灸左口魚邊、鯖魚、魴鮄、蔥吞拿魚腩。最大驚喜係吞拿魚腩，食落去好淋，魚既油脂分泌得好好，所以令到個口感又吾會太油膩又入口即溶。三文魚籽係另一個驚喜，完全無腥味，味道好新鮮。赤貝好爽口，同埋比我想像中大塊。😋 火炙壽司拼盤依個拼盤有8件火炙壽司，仲要係太子期間限定，價錢只係88蚊炸，真係好抵呀。壽司包咗呑拿魚腩、左口魚邊、三文魚腩、三文魚、金線鯛、鯖魚、帶子、生銀鱈魚。最鐘意既係吞拿魚腩同埋帶子，燒完既吞拿魚腩既油脂更加可以更加突出，帶子就可以保持住咁滑。