The Grill Room (The L. Square) (Moved) New Location

想試依間西餐廳好耐，既然媽媽考完試就同媽媽去食晚飯慶祝及奬勵一下依位咁勤力嘅學生。餐廳不大，餐廳選擇用open kitchen，周不時見到裡面火光紅紅，廚師忙於處理菜單，幾有氣氛。酥皮鬆脆，餡料載得滿滿。三文魚他他酸甜度適中，而黑松露忌廉雜菌松露味略淡。1/2kg份量，青口肉質肥美有啖啖海水味，如白酒再濃些味道更佳。黑松露薯條跟青口一齊上，粗薯條熱辣辣新鮮炸起，外脆內軟。黑松露灑面，松露味濃郁，連皮薯條薯味重。有點似燒肉的賣相，外皮非常脆，肥瘦一層一層分隔，非常香口，鹽味焦糖汁特別。與青蘋果沙律一齊食，少少酸甜味可減去肥膩感。牛油忌廉蒜汁非常creamy，帶有香濃雜菌味，蘸麵包一流。流心朱古力香滑，朱古力味濃郁不過甜，配以雲哩嗱雪糕及少許杏仁碎，口感不錯。