Video
Read full review
2023-12-12
248 views
約朋友喺公司附近食晏。去咗QRE上面嘅「戀」。由於依家有優惠喺OpenRice做緊，就係經app 訂座，就會送價值$268嘅串燒六式拼盤。所以我哋除咗叫咗兩個午市定食套餐，仲享有呢個串燒拼盤喇。好抵呀！除咗呢個優惠，仲有其他優惠做緊。我cap咗圖俾大家容易啲做Reference。入到去餐廳地方非常寬敞舒適。店員好快就安排我哋坐低喇。燒車厘茄串：車厘茄多汁，味道清甜。燒秋葵串：秋葵好嫩，淡淡嘅調味唔會掩蓋秋葵本身獨有嘅味道。燒雞翼串：都幾大隻. 簡單用鹽去調味。依然保留到肉汁。燒五花肉串：幾厚身，咬落彈牙，有油香。燒荔枝豚肉串：外面嘅豚肉燒得脆脆地。估唔到咬落去係荔枝肉嚟，好Juice，軟林林又甜甜地燒雞肉串：燒得香口。如果雞肉再大粒啲就更好喇滑蛋豬扒丼：大大碗。豬扒夠厚身，咬落彈牙。滑蛋炒得好嫩。加埋啲洋蔥有少少嘅甜味，令味道嘅層次提升。特上壽司拼盤12件：有三件三文魚壽司，兩件吞拿魚壽司，兩件帶子壽司，兩件油甘魚壽司同埋三件炸蝦牛油果反卷。基本上全部都好新鮮，味道鮮甜。尤其係油甘魚壽司！跟餐仲有小食（麵豉湯或者和風沙律）同埋甜品。麵豉湯送上嚟嘅時候仲熱辣辣，入邊有好多海苔同埋豆腐。和
由於依家有優惠喺OpenRice做緊，就係經app 訂座，就會送價值$268嘅串燒六式拼盤。所以我哋除咗叫咗兩個午市定食套餐，仲享有呢個串燒拼盤喇。好抵呀！除咗呢個優惠，仲有其他優惠做緊。我cap咗圖俾大家容易啲做Reference。
入到去餐廳地方非常寬敞舒適。店員好快就安排我哋坐低喇。
燒車厘茄串：車厘茄多汁，味道清甜。
燒秋葵串：秋葵好嫩，淡淡嘅調味唔會掩蓋秋葵本身獨有嘅味道。
燒雞翼串：都幾大隻. 簡單用鹽去調味。依然保留到肉汁。
燒五花肉串：幾厚身，咬落彈牙，有油香。
燒荔枝豚肉串：外面嘅豚肉燒得脆脆地。估唔到咬落去係荔枝肉嚟，好Juice，軟林林又甜甜地
燒雞肉串：燒得香口。如果雞肉再大粒啲就更好喇
滑蛋豬扒丼：大大碗。豬扒夠厚身，咬落彈牙。滑蛋炒得好嫩。加埋啲洋蔥有少少嘅甜味，令味道嘅層次提升。
特上壽司拼盤12件：有三件三文魚壽司，兩件吞拿魚壽司，兩件帶子壽司，兩件油甘魚壽司同埋三件炸蝦牛油果反卷。基本上全部都好新鮮，味道鮮甜。尤其係油甘魚壽司！
跟餐仲有小食（麵豉湯或者和風沙律）同埋甜品。
麵豉湯送上嚟嘅時候仲熱辣辣，入邊有好多海苔同埋豆腐。
和風沙律嘅沙律菜新鮮爽脆又夠凍。車厘茄皮薄多汁。
贈送嘅甜品係蕨餅：煙煙韌韌凍凍地嘅。質感幾得意。味道比較清淡。
我哋將今餐嘅飲品加$10升級左做熱即磨咖啡同埋加咗$15升級左做熱鮮奶咖啡。咖啡好夠熱，味道香濃，唔酸。
Post
