田浦食肉

Open Now

Now Closed

幾次行過都見好多人食，望到入面好似都係韓國人，感覺地道，特別吸引！入到餐廳，大部分人都係講韓文，真係有少少去左趟小旅行的感覺。今次兩個人去食，見到十多碟前菜及調味料已經覺得正！① 烤牛肉骨 600g $580呢個價錢唔算平，但有Oppa親自煮理，燒得特別好食，哈哈。Oppa將牛肉剪成細塊，肉質軟腍，無論夾生菜或直接食用都不覺油膩。② 雞蛋羹 $70蒸到漲卜卜既雞蛋羹，賣相幾好，加埋芝士，粟米，蔥等配料，口感味道豐富，不過邊位啲蛋有點太老，如果再綿滑啲會更完美！③ 水冷麵 $80正正常常既韓式水冷麵，賣相見份量都幾多，冰涼之餘，味道酸酸甜甜咁，幾開胃。餐牌上燒肉選擇唔多，叫多兩三個朋友黎可以試晒！食物味道唔錯，但價錢偏高，性價比唔係特別高。餐廳環境雖然無一枝枝抽氣筒，但因為唔係長時間燒肉，所以現場唔會好大油煙，食完唔會整到件衫都係燒肉味。現場環境雖然無一枝枝抽氣筒，但都唔會好大油煙，食完唔會整多件衫都係燒肉味。餐牌上燒肉選擇唔多，叫多兩三個朋友黎可以試晒，食物味道唔錯，但價錢都幾貴，性價比唔算好高。