Sixer Burger (Closed)

同事放假 一個頂兩個 八點幾先收工 死人都要食番啲好野等自己開心下 入到千色匯見到哩間細細地又咁啱有位就入去試下 叫左個龍蝦牛肉漢堡配香草忌廉檸檬汁$198加$26有薯條同餐湯 等左五分鐘到就有湯 今晚係蕃茄羅勒忌廉湯 估唔到又幾好味 酸酸地最緊要係熱辣辣 湯最緊要係夠熱!!等多陣主角就出場喇 好吸睛 除非係大口九如果唔係都冇可能一啖咬哂全個漢堡包 唯有逐層尼😋 包應該係豬仔包但好鬆軟 牛肉好juicy 冇諗過龍蝦可以用尼做漢堡 龍蝦好厚肉 有誠意 👍🏻加埋個汁尼食感覺好清新 另外不得不讚個薯條 外脆內軟仲要係熱既 哩度果然有驚喜😋😋