Lucky Ristorante (Closed)

正值下午茶時光，去嘆下小食都唔錯，旺角上海街呢幢大廈隱藏好多特別嘅小店，西餐、文青咖啡室同茶餐廳通通都有。唔使$100就叫到兩款小食，而且款款都幾高質。呢度有我鍾意食嘅七味雞軟骨、天婦羅海苔魷魚。七味雞軟骨個樣大碟到好似炸雞咁😍😍加埋檸檬角，一粒粒食都幾惹味，金黃色外皮脆香到爆！另外再叫多個set就係日本大阪燒同芝士香草蕃茄薄餅🍕，呢度嘅Pizza果然唔錯，難怪店員係咁推薦我食，成塊Pizza食落去好軟滑勁多cheese，上面有蕃茄同埋香草🌿作點綴，成件事但唔會太鹹，食落去做到拉絲嘅效果！下次試埋佢嘅晚餐同埋飲埋啤酒先得。