The Point (Closed)

放假梗係想去一間坐得舒服，坐得來都唔會俾人趕走嘅餐廳好好休息下，同朋友聚下。去到登龍街見到呢間個裝修咁靚，座位寬敞，而且餐牌唔貴，一個Pizza都係＄100左右，好好享受個午飯時間，都係值得嘅。我哋兩個人叫咗一個沙律一個Pizza ,沙律係火箭菜、啤梨、合桃同芝士為主，因為我個人鍾意食府嘅火箭菜，唔鍾意有太多醬汁，特登再三吩咐佢唔要有油同汁，點知出到嚟個火箭菜都係令立立，一問之下原來油醋雖然分開，但係火箭菜依然撈左好多蜜糖汁（啲汁仲有啲油喺度，個侍應仲要話係冇油），好好地一個苦中帶甘嘅火箭菜，老左咁多蜜糖，甜到好似甜品咁。反而係個海鮮pizza有驚喜，雖然係11吋，原來一啲都唔細。料算正常，不多不少，芝士幾香，羅勒醬香濃，最衰係多油而且偏鹹。值得讚係手工pizza餅底薄脆有口感，似係即焗。總結：Pizza 可以翻試，下次試第二個口味嘅。侍應態度算幾好，就算遇着我呢啲有要求嘅客人，都笑笑口，算好服務嘅。