Mother of Pizzas

Open Now

Now Closed

平時都會食開某幾間大型連鎖店既pizza, 其實都食到有d麻木, 食親都係為食而食, 飽肚就得, 冇咩期望可言😐有時夜晚經過銅鑼灣時代廣場一帶, 見到有間非連鎖pizza店每次都會排晒長龍, 間舖既位置老實講有d隔涉, 可以每次都咁多人黎食搞到我都想試試, 睇下係咪會有咩驚喜🤔排左一個鐘左右, 終於有得入！我地叫左個"愛的夏天1967"(即係菠蘿肉粒)+"超級撒亞人辣肉腸"13吋pizza雙拼🥰pizza係即叫即整, 一烤好就即刻上碟, 所以一定熱辣辣！我地一見到個pizza已經wawa聲, d料鋪滿成個pizza, 十分足料, 絕對比出面既大型連鎖店既pizza多！🤩d料多得黎, 用料都幾新鮮, 咬落多汁。個餅底厚度岩岩好, 唔會太薄太厚影響pizza口感👍整體pizza質素好高, 價錢合理, 就咁食一個pizza唔叫其他野食都夠兩個人飽, 而辣肉腸質素比菠蘿肉粒更勝一籌。不過野飲就偏貴, 所以我地見冇叫啦。