82
24
12
Level4
347
0
pizza的確唔錯
2004-08-31 5 views
星期二七點幾黎到，揀左坐二樓，只係得幾台客，不過越坐越多人，加上地方唔大，都幾嘈下，幾個朋友黎傾計就冇所謂，情侶黎就唔好期望會好有情調兩個人，叫左：燒雞沙律(細): 雞肉當然係雪藏貨，略略grill過但唔夠香，好在沙律菜等材料新鮮，加埋少少goat cheese都幾惹味焗磨菇：有八小粒釀左少少cheese既磨菇，兩小碟sauce(一碟香草欖油，一碟好似係蕃茄salsa??)，仲有幾舊半碟既自家製小麵包球：磨菇淡口左d，麵包球冇乜特別，因為冇餡冇咩味，點左sauce就好少少，但兩隻sauce都係一般，唔impressiveSicilian pizza (唔肯定係咪呢個名）：只記得有亞支竹,銀魚柳,olive, ham等,睇材料都知係傳統意式口味,餅底亦係薄薄的, 餡料咸香,餅底鬆脆唔滯,的確係水準之作, 比california pizza kitchen等美式口味要好, 與"超級至尊"等港式比薩相比更係超班, 不過口味呢樣野真係好難講,朋友當中亦有人十分鍾情餡料特多仲要係厚底既pizza,只能話各有各捧場客.超初以為呢度唔serve tap water (因為一入黎個侍應就問你飲乜,我話
Read full review
星期二七點幾黎到，揀左坐二樓，只係得幾台客，不過越坐越多人，加上地方唔大，都幾嘈下，幾個朋友黎傾計就冇所謂，情侶黎就唔好期望會好有情調

兩個人，叫左：

燒雞沙律(細): 雞肉當然係雪藏貨，略略grill過但唔夠香，好在沙律菜等材料新鮮，加埋少少goat cheese都幾惹味

焗磨菇：有八小粒釀左少少cheese既磨菇，兩小碟sauce(一碟香草欖油，一碟好似係蕃茄salsa??)，仲有幾舊半碟既自家製小麵包球：磨菇淡口左d，麵包球冇乜特別，因為冇餡冇咩味，點左sauce就好少少，但兩隻sauce都係一般，唔impressive

Sicilian pizza (唔肯定係咪呢個名）：只記得有亞支竹,銀魚柳,olive, ham等,睇材料都知係傳統意式口味,餅底亦係薄薄的, 餡料咸香,餅底鬆脆唔滯,的確係水準之作, 比california pizza kitchen等美式口味要好, 與"超級至尊"等港式比薩相比更係超班, 不過口味呢樣野真係好難講,朋友當中亦有人十分鍾情餡料特多仲要係厚底既pizza,只能話各有各捧場客.

超初以為呢度唔serve tap water (因為一入黎個侍應就問你飲乜,我話要水佢就問要sparkling定distilled water),後尾叫左distilled water先知原來佢係有水供應的,不過你要問佢先會比你,呢樣真係唔係幾好,好似有少少逼你叫野飲咁.除此之外,服務都算唔錯,都有下次既~


(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Spending Per Head
$125